ކޮވިޑް-19 އާ ގުޅިގެން މެލޭޝިއާ ލޮކްޑައުން ކުރުމަށް ނިންމައިފިއެވެ.
މެލޭޝިއާ ލޮކްޑައުން ކުރުމަށް ނިންމާ އެކަން އިއުލާނު ކުރެއްވީ، އެގައުމުގެ ޕްރައިމް މިނިސްޓަރު މުހްޔިއްދީން ޔާސީނެވެ. އެ ގައުމު ލޮކްޑައުން ކުރުމަށް ނިންމާފައި ވަނީ، މިމަހު 18 ވަަނ ދުވަހުން ފެށިގެން މިމަހު 31 ދުވަހުހެ ނިޔަލަށެވެ.
މެލޭޝިއާ ލޮކްޑައުން ކުރުމަށް ނިންމާފައިވާއިރު، އެގައުމުން މިހާތަނަށް ވަނީ 553 ޕޮޒިޓިވް ކޭސް ފެނިފައެވެ. އަދި ކޮވިޑް-19 ގައި މެލޭޝިއާއިން އެއްވެސް މީހަކު މަރުވެފައި ނުވި ނަމަވެސް މިއީ ސައުތް އޭޝިއާގެ އެންމެ ގިނައިން ކޮވިޑް-19 އަށް މީހުން ޕޮޒިޓިވްވި ގައުމެވެ.
މެލޭޝިއާ ލޮކްޑައުން ކުރުމަށް ނިންމާފައިވާއިރު، ކުއްލި ގޮތަކަށް ކޮރޯނާވައިރަސް ޑިޒީޒް (ކޮވިޑް-19)ގެ ކޭސްތައް އިތުރުވެގެންދިޔަ މެލޭޝިއާގައި 10 ދުވަހުގެ މުއްދަތަކަށް މިސްކިތްތައް ބަންދު ކުރުމަށް ނިންމާ، ކަމާބެހޭ ފަރާތްތަކަށް ވަރަށް އަވަހަށް އެކަމުގެ އިރުޝާދުތައް ދޭން ފެށުމަށް ވެސް ވަނީ ނިންމާފައެވެ.
މެލޭޝިއާއަކީ ގިނަ އަދަދަކަށް ދިވެހިންވެސް ދިރިއުޅެމުންދާ ގައުމަކަށް ވާއިރު، އެގައުމުގައި ހުންނަ ދިވެހި އެމްބަސީއިން ދަނީ ސަމާލުވާންވީ ކަންކަން ބަޔާންކޮށް އިއުލާނާ އިރުޝާދުތައް އާންމު ކުރަމުންނެވެ.
