ރާއްޖޭގެ މާލީ އިންޓެލިޖެންސް އޮތީ އިންޑިއާގެ އަތްމަތީގައި ކަމަށް ވިދާޅުވެ ޕްރޮގްރެސިވް ޕާޓީ (ޕީޕީއެމް)ގެ ނާއިބު ރައީސް އަދި ނައިފަރު ދާއިރާގެ މެންބަރު އަހުމަދު ޝިޔާމް ފާޑު ވިދާޅުވެއްޖެއެވެ.
ކުރިއަށް އޮތް ލޯކަލް ކައުންސިލް އިންތިހާބުގެ ކެމްޕޭނަށް ޕީޕީއެމްގެ ލީޑަޝިޕްގެ ބޭފުޅުން ތިން އަތޮޅަކަށް ކުރައްވަމުން ގެންދަވާ ދަަތުރުގައި ޅ ނައިފަރުގައި ރޭ ބެއްވި ޖަލްސާގައި ޝިޔާމް ވިދާޅުވީ ޗައިނާއިން އިނވެސްޓްމެންޓްތަށް އައުމަކީ އިންޑިއާއަށް "ހަޖަމުކުރެވޭ" ކަމަކަށް ނުވި ކަމަށެވެ. އަދި ކުރީގެ ރައީސް ޔާމީންގެ ސަރުކާރުގައި އެމަނިކުފާނަށް ފެނިވަޑައިގަތީ ބޭރުގެ ފަރާތްރަކުގެ އެހީވެސް ހޯއްދަވަން ޖެހިވަޑައިގަންނަވާ ކަމަށެވެ.
މިއީ (މިހާރުގެ ސައުކާރު) ލެއްގި ވެރިކަމެއް ކަމަށާއި ރައްޔިތުންނަށް ކޮށްދޭން ހުރި ކަންތަށްތަށް ކޮށްދޭނެ ގޮތެއް މި ސަރުކާރަށް ނޭނގޭ ކަމަށާއި އެކަން ކުރާށާއި ކުރަން މަގުފަހިކުރަންވެސް ނޭނގޭ ކަމަށް ރައްޔިތުން ބުނަމުންދާ ކަމަށް ޝިޔާމް ވިދާޅުވިއެވެ.
އަދި މި ސަރުކާރުގައި ރައްޔިތުންގެ ގާތަށްގޮސް އެ ރައްޔިތުންގެ ޝަކުވާތަށް އަޑުއެހުމުގެ ގާބިލްކަން ނުހުންނަ ކަމަށާއި ނަމަވެސް ކުރީގެ ރައީސް ޔާމީންގެ ސަރުކާރުގައި އެންމެ ގާތުން ބަލަމުން ގޮސްފައި ވަނީ ޔައްޔިތުންނާއި ވީހާވެސް ގާތުން މަސައްކަތް ކުރެވޭތޯ ކަމަށްވެސް ޝިޔާމް ވިދާޅުވެފައިވެއެވެ.
އިދިކޮޅު ކޯލިޝަންގެ ލީޑާޝިޕް ޓީމުތަކަށް ބެހިގެން އިއްޔެ ވަނީ ރ. އަތޮޅާއި ޅ. އަތޮޅުގައި ކެމްޕޭން ކޮށްފައެވެ. ނަމަވެސް ކޮރޯނާ ވައިރަހާ ގުޅިގެން އިދިކޮޅު ޕީޕީއެމާއި ޕީއެންސީގެ ކޯލިޝަން ލީޑާޝިޕުން އަތޮޅުތެރޭގެ ރަށްތަކަށް ކުރަމުން ގެންދާ ކެމްޕޭން ދަތުރުތައް މެދުކަނޑާލަން ނިންމައިފައި ވަނީ މިއަދެވެ.
އަންނަ އޭޕްރީލް މަހު ބާއްވަން ހަމަޖެހިފައިވާ ލޯކަލް ކައުންސިލް އިންތިހާބުގައި ޕީޕީއެމުން 679 ގޮނޑި އަކަށް ވާދަކުރުމަށް ވަނީ ނިންމާފައެވެ. އޭގެތެރެއިން އެމްޑީޕީއަށް 13 ގޮނޑި ކަށަވަރުވެފައިވާ ކަމަށް އިލެކްޝަން ކޮމިޝަނުންވަނީ ބުނެފައެވެ. ލޯކަލް ކައުންސިލް އިންތިހާބު ބޭއްވުމަށް ހަމަޖެހިފައިވަނީ އަންނަ މަހުގެ ހަތަރުވަނަ ދުވަހުއެވެ.
