ކޮވިޑް19 އާއި ގުޅިގެން އިންތިހާބު ފަސްކުރަން ނިންމާފައިނުވާ ކަމަށް އިލެކްޝަންސް ކޮމިޝަނުން ބުނެފިއެވެ.
އިލެކްޝަންސް ކޮމިޝަނުން މިހެން ބުނެފައިވަނީ، ހަލުވި ކަމާއެކު ފެތުރެމުން އަންނަ ކޮވިޑް19 އާއި ގުޅިގެން ކުރިއަށް އޮތް ލޯކަލް ކައުންސިލް އިންތިހާބު ފަސްކޮށްފާނެތޯ މީހުންގެ ހިތްތަކުގައި ސުވާލު އުފައްދަމުން އައި ދަނޑިވަޅެއްގައެވެ.
ކޮވިޑް19 އާއި ގުޅޭ އެންމެ ފަހުގެ މައުލޫމާތު ހިއްސާކުރުމަށް ރޭ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޓޫރިޒަމް މިނިސްޓަރު އަލީ ވަހީދު ވިދާޅުވީ، ކޮވިޑް19 އާއި ގުޅިގެން އަދި ރާއްޖޭގައި އެކި ސަރަހައްދުތަކުގައި މީހުން އެއްވެ ކެމްޕޭން ޖަލްސާ ނުބާއްވާ ހަލާތަކަށް ރާއްޖެ ގޮސްފައި ނުވާ ކަމަށެވެ. އަދި މިވަގުތު އެ ބައްޔަށް ބަލާއިޔު ރާއްޖެއޮތީ "ވައިޓް އެލާޓް" ގަ ކަމަށް މިނިސްޓަރު އަލީ ވަހީދު ވިދާޅުވުއެވެ،
މިނިސްޓަރު އަލީ ވަހީދު މިހެން ވިދާޅުވުމުން ނޫސްވެރިއަކު ސުވާލު ކުރައްވާފައިވަނީ ކޮވިޑް19 އާއި ގުޅިގެން ރާއްޖޭގެ ހާލަތު ސީރިއަސްވެއްޖެ ކަމަށް ވާނަމަ ލޯކަލް ކައުންސިލް އިންތިހާބު ފަސްކުރައްވާނެތޯއެވެ. ޖަވާބުގައި މިނިސްޓަރު އަލީ ވަހީދު ވިދާޅުވީ އެފަދަ ސީރިއަސް ހާލަތަކަށް ރާއްޖެ އައިސްފި ނަމަ ކައުންސިލް އިންތިހާބު ފަސްކުރުމާއި މެދު ގޮތެއް ނިންމަވާނެ ކަމަށެވެ. އަދި އެފަދަ ހާލަތެއްގައި ދިވެހި ސަރުކާރުން ކައުންސިލް އިންތިހާބު ފަސްނުކޮށް ނުހުންނާނެ ކަމަށެވެ.
ދުނިޔޭގައި ހަލުވިކަމާއެކު ފެތުރެމުން އަންނަ ކޮވިޑް19 އާއި ގުޅިގެން ރާއްޖޭގެ ރައްޔިތުންގެ ހިތްތަކުގައިވެސްވަނީ އެކަމުގެ ނުތަނަވަސްކަން .... އެގޮތުން ލޯކަލް ކައުންސިލް އިންތިހަބުގެ ކެމްޕެއިންތަކަށް އެއްވުން ފަދަ ކަންތައްތައް ފަހިކޮށްފަ އިތުމަކީ ކަންބޮޑުވާ ކަމެއް ކަމަސް ބުނެ ބައެއް އާންމުންވެސް ވަނީ ނުރުހުން ފާޅުކޮށްފައެވެ.
