މެލޭޝިއާގައި މަރުވެފައި އޮއްވައި ފެނުނު ދިވެހި ފިރިހެން މީހާގެ ހަށިގަނޑު ރާއްޖެ ގެނެސްފިއެވެ.
މި މީހާގެ މަރާ ގުޅޭ އެއްވެސް ތަފްސީލެއް ކަމާ ގުޅޭ ފަރާތްތަކުން އަދި ހާމައެއް ނުކުރެއެވެ. ނަމަވެސް ފޮރިން މިނިސްޓްރީން "ދަޕްރެސް"އަށް މައުލޫމާތު ދެމުން މީގެ ކުރިން ބުނެފައި ވަނީ އެފަދަ ކަމެއް މެލޭޝިޔާގައި ހިނގައިގެން އުޅޭ ކަމުގެ މައުލޫމާތުތަކެއް ލިބިފައިވާ ކަމަށާއި ނަމަވެސް މަރުވި މީހާއާ ގުޅޭ އެއްވެސް މައުލޫމާތެއް ހާމައެއް ނުކުރެއެވެ.
'ދަ ޕްރެސް' އަށް އެނގިފައިވާ ގޮތުން ނިޔާވެފައިވަނީ ގ. މިއަލަނިއާގޭ މުހައްމަދު ޝިނާން ޔޫސުފެވެ.
ޝިނާންގެ މައްޗަށް ކުރާ ކަށުނަމާދު އޮންނާނީ މިރޭގެ އިޝާ ނަމާދަށް ފަހު އާސަހަރާ މިސްކިތުގައެވެ.
މެލޭޝިޔާގައި ދެހާހަށްވުރެ ގިނަ ދިވެހިން އަންނަނީ ތައުލީމު ހާސިލު ކުރަމުންނެވެ. މީގެއިތުރުން މެލޭޝިޔާއަށް މި ދުވަސްވަރު ޗުއްޓީއަށް ވެސް ވަރަށް ގިނަ ދިވެހިން ވަނީ ގޮސްފައެވެ.
މެލޭޝިއާއަކީ ދިވެހިން ތައުލީމު ހާސިލު ކުރަން ދާ ގައުމެއްގެ އިތުރުން އެތައް ދިވެހިންނެއް ދިރިއުޅޭވެސް ގައުމެކެވެ.
