ރާއްޖޭގެ ހުރިހާ ފަނޑިޔާރުންގެ މައިންބަފައިންނަށްވެސް ރާއްޖެއިން ބޭރުން ހިލޭ ބޭސްފަރުވާ ލިބޭނެ ކަމަށް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ބުނެފިއެވެ.
މިކަމާ ގުޅިގެން ޑިޕާޓްމަންޓް އޮފް ޖުޑީޝިއަލް އެޑްމިނިސްޓްރޭޝަނުން ވަނީ ހުރިހާ މެޖިސްޓްރޭޓް ކޮޓުތަކަށް ލިޔުން ފޮނުވާފަ އެވެ. އެ ލިޔުމުގައި ބުނެފައިވަނީ، ދިވެހިރާއްޖޭގެ ފަނޑިޔާރުންގެ ގާނޫނުގެ 39 ވަނަ މާއްދާގެ ދަށުން ފަނޑިޔާރުންނަށް ލިބިދޭން ޖެހޭ އިންޝުރެންސް ފޯރުކޮށްދިނުމަށް އެލައިޑް އިންޝުރެންސް ކުންފުނިން ގަނެފައިވާ ޕޮލިސީގެ ދަށުން ހިދުމަތް ހޯދާ ފަނޑިޔާރުންގެ މައިންބަފައިންނަށް ރާއްޖެއިން ބޭރުން ލިބޭ ބޭސްފަރުވާ ކުރެވޭނެ ކަަމަށެވެ. އަދި މިއަހަރުގެ ޑިސެމްބަރު މަހުގެ 15 ވަނަ ދުވަހުން ފެށިގެން އެ ހިދުމަތް ފޯރުކޮށްދެމުން ދާނެ ކަމަށްވެސް އެލިޔުމުގައި ބުނެފައި ވެއެވެ.
އަދި އެމައުލޫމާތު ކޯޓުގެ ހުރިހާ ފަނޑިޔާރުންނަށް ހިއްސާކޮށްދެއްވުމަށް ވަނީ އެދިފައެވެ.
ތީ އިންޞާފުވެރި ގޮތެއްނޫން ތީ ޚުދުމުޚުތާރުކަން