އިސްލާމީ ދުނިޔޭގެ ގައުމުތަކާ ގަލްފުގެ ގައުމުތަކާ އިންޑިއާއާއި ދެމެދު އޮތް ގުޅުންތައް ފާއިތުވީ އަހަރުތަކުގައި ބަދަހިވެގެން ގޮސްފައިވާކަމަށާ، މިކަން މިހެން މެދުވެރިވީ އެގައުމުތަކުން އިންޑިއާގެ ސަރުކާރަށް ކުރާ އިތުބާރު ބޮޑުވުމުގެ ސަބަބުން ކަމަށް އިންޑިއާގެ ބޮޑުވަޒީރު ނަރޭންދްރާ މޯދީ ވިދާޅުވެއްޖެއެވެ.
އިންޑިއާގެ ވެރިރަށް ނިއު ދިއްލީގައި ކުރިއަށްދިޔަ ރެލީއެއްގައި ވާހަކަފުޅުދައްކަވަމުން މޯދީ ވިދާޅުވީ، އިސްލާމީ ދުނިޔޭގެ ގައުމުތަކާ ގަލްފުގެ ގައުމުތަކާ އިންޑިއާއާއި ދެމެދު އޮތީ ފުރިހަމަ ގުޅުންތަކެއް ކަމަށާ، އެކަމުގައި ބައިވަރު ސަބަބުތަކެއް އެބަހުރި ކަމަށެވެ. އެގޮތުން ފަލަސްތީނު، އީރާން، ސައުދީ އަރަބިއްޔާ، އެކުވެރި އަރަބި އިމާރާތް އަދި އުރުދުންއާއި އިންޑިއާގެ ގުޅުން އިތުރަށް ހަރުދަނާ ކުރުމަށް މަސައްކަތްތަކެއް ކުރެވުނު ކަމަށާ، މިކަމުގެ ނަތީޖާއެއްގެ ގޮތުން ދޭދޭ ގުޅުންތައް އާ ހަރުފަތްތަކަކަށް ގެންދެވިފައިވާކަމަށް މޯދީ ވަނީ ވިދާޅުވެފައެވެ.
މިމޭރުމުން ވާހަކަފުޅުދައްކަވަމުން މޯދީ ވިދާޅުވީ އަފްގާނިސްތާނު، ފަލަސްތީނު، ޔޫއޭއީ އަދި ދިވެހިރާއްޖެއާއި ބަހްރައިން ފަދަ ގައުމުތަކަކީ އެގައުމުތަކުންދޭ އެންމެ މަދީ ޝަރަފު އިންޑިއާއަށް އަރުވާފައިވާ ގައުމުތަކެއް ކަމަށެވެ. އަދި މި ގައުމުތަކަކީ އިންޑިއާގެ ހަލާރާތާ ވަރުގަދަ ގުޅުންތަކެއް ބަދަހިކޮށްފައިވާ ގައުމުތަކެއް ކަމަށްވެސް މޯދީ ވަނީ ވިދާޅުވެފައެވެ.
މިމޭރުމުން ވާހަކަފުޅުދައްކަވަމުން މޯދީ ވިދާޅުވީ އިންޑިއާގެ މަޝްވަރާތަކާއެކު ސައުދީއިން އިންޑިއާއަށް ދޫކުރާ ޙައްޖު ކޯޓާވެސް އިތުރުކޮށްފައިވާކަމަށެވެ. މީގެ އިތުރުން މާޒީ ދެކެފައި ނުވާހާ ގިނަ އަދަދަކަށް އިސްލާމީ ގައުމުތަކުން ވަނީ އެގައުމުތަކުގައި ތިބި އިންޑިއާގެ ގައިދީން މިނިވަންކޮށްފައި ކަމަށްވެސް މޯދީ ވަނީ ފާހަގަކުރައްވާފައެވެ.
މިފަހަކަށް އައިސް ގިނަ އަދަދަކަށް އިސްލާމީ ގައުމުތަކަށް ދަތުރުކުރައްވާފައިވާ މޯދީއަށް އެގައުމުތަކުންވަނީ ޝަރަފުވެރި ކަމުގެ ގިނަ އެވޯޑްތަކެއް އަރުވާފައެވެ. އެގޮތުން އިސްލާމީ 6 ގައުމަކުންވަނީ އެގައުމަކުން ދޭ އެންމެ ޝަރަފުވެރި އެވޯޑްތައް މޯދީ އަރުވާފައެވެ. އެގޮތުން، ދިވެހި ދައުލަތުން ބޭރުގެ އިއްޒަތްތެރިންނަށް އަރުވާ އެންމެމަތީ ޝަރަފް ކަމަށްވާ، ނިޝާން އިއްޒުއްދީނުގެ އިއްޒަތުގެ ވެރިކަމުގެ ލަގަބް، އިންޑިއާގެ ބޮޑުވަޒީރު ނަރެންދުރަ މޯދީއަށް ވަނީ އަރުވާފައެވެ.
އިސްލާމް ދީނާއި އަދާވާތްތެރި ކޮންމެ ސަރުކާރަކުން ވެސް އިސްލާމް ދީނުގެ އަދާވާތްތެރިންނާ ގުޅުން ބަދަހި ކުރުން އެއި މުސްލިމުން ޢަޖައިބު ވާކަމެއް ނޫން! މިގައުމުގެ ވެރިކަމުގައި ތިބީ الله އާއި، އެކަލާނގެ رسول صلى الله عليه وسلم އަށް ފުރައްސާރަ ކުރާ ބައެއް! "ލަނޑަޔާ ވާނީ ލަނޑަޔާ"
މުސްލިމުން ކޮށާ ކުދިކުރާއިރުވެސް އޮޅުވާލައިގެން ހަބަރު ލިޔެފަ. މުސްލިމުންނަކީ އެއް ހަށިގަނޑެއްގެ ވެރި ބަޔަކަށް ވާންޖެހޭއިރު މީ ބޮޑުވަރު..