ރާއްޖެއަށް މިހާރު ކުރަމުންދާ ވިއްސާރާގައި ނ. ހޮޅުދޫގައި ފެންބޮޑުވެ އެރަށު 30 ގެއަކަށް ފެން ވަދެއްޖެއެވެ.
ހޮޅުދޫ މަގުތަކުގައި ފެން ހިންދުމުގެ މަސައްކަތް އެރަށު ޕޮލިސް ސްޓޭޝަނާއި ކައުންސިލާއި އަދި ރައްޔިތުން ގުޅިގެން އަންނަނީ ކުރަމުންނެވެ. އެގޮތުން ރަށުގެ 6 ދިމާލެއްގައި ފެން ޕަމްޕު ޖަހައިގެން ފެން ހިންދުމުގެ މަސައްކަތް އަންނަނީ ކުރަމުންނެވެ.
މުޅި ރާއްޖެއަށް މިދުވަސްވަރަކީ މޫސުން ގޯސް ދުވަސްވަރެކެވެ. އެގޮތުން މިއަދު މާލެ ސިޓީއަށް ވެސް ވަނީ ބޯކޮށް ވާރޭވެހި މަގުތަކުގައި ފެން ބޮޑުވެފައެވެ. އަދި މާލެ ކައިރީ ރަށްތަކަށްވެސް ވަނީ ވިއްސާރައިގެ އަަސަރުކޮށް މަގުތަކުގައި ފެން ބޮޑުވެފައެވެ.
މޫސުމާ ބެހޭ ގައުމީ އިދާރާއިން ވަނީ ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ވިއްސާރަކުރާނެ ކަމަށް ލަފާކޮށްފައެވެ.
