މަނީ ލޯންޑަރިންގެ ކުށް ސާބިތުވެ ފަސް އަހަރު ދުވަހަށް ޖަލަށް ލުމަށް ހުކުމް ކޮށްފައިވާ އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން އަނިޔާ ދެމުން ދަނީ ބޭ އިންސާފުން ކަމަށް ނައިފަރު ދާއިރާގެ މެންބަރު އަދި ޕީޕީއެމްގެ ނާއިބު ރައީސް އަހުމަދު ޝިޔާމް ވިދާޅުވުމުން ޑރ. މުހައްމަދު އިޔާޒު ކޯފާވެއްޖެއެވެ.
ޔުނައިޓެޑް އަރަބި އެމިރޭޓްސް (ޔޫއޭއީ)ގެ އިސް ބޭފުޅުންނާއި ރައީސް ޔާމީން މީގެކުރިން ބައްދަލު ކުރައްވާފައިވާ ފޮޓޯތަކެއް ޕޯސްޓު ކުރައްވާ އަރަބި ބަހުން ޝިޔާމް ކުރެއްވި ޓްވީޓެއްގައި ވިދާޅުވީ ކުރީގެ ރައީސް އަބްދުﷲ ޔާމީންގެ ސަރުކާރުގައި ޔުނައިޓެޑް އަރަބް އެމިރޭޓްސްއާ ވަރަށް ގާތް ގުޅުމެއް އޮތް ކަމަށެވެ. އަދި މިހާރު ރައީސް ޔާމީން ޖަލު ހުކުމް ތަންފީޒު ކުރައްވަމުން ގެންދަވާއިރު ޖަލުގައި އެމަނިކުފާނަށް ބޭއިންސާފުން އަނިޔާކުރަމުންދާ ކަމަށާ އުންމީދު ކުރައްވަނީ ޔޫއޭއީއިން އެކަން ކުށްވެރިކޮށް ރައީސް ޔާމީން ޖަލުން މިނިވަން ކުރުމަށް އަޑުއުފުލުން ކަމަށް ޝިޔާމް ވިދާޅުވިއެވެ.
ޝިޔާމްގެ އެ ޓްވީޓަށް ރައްދު ދެއްވާ އަރަބި ބަހުން ޑރ. އިޔާޒު ކުރެއްވި ޓްވީޓެއްގައި ވިދާޅުވީ ރައީސް ޔާމީނަށް ޖަލުގައި އެއްވެސް ވަރަކަށް އަނިޔާކުރަމުން ނުގެންދާ ކަމަށެވެ. ރައީސް ޔާމީނަކީ ރާއްޖޭގެ ވެރިކަން ކުރައްވާފައިވާ ބޭފުޅެއްކަމުން އެމަނިކުފާނަށް ޖަލުގައި ބެހެއްޓުމުގައިވެސް ހާއްސަ ސަމާލުކަމެއްދޭ ކަމަށް ޑރ. އިޔާޒު ވިދާޅުވިއެވެ. އަދި ރާއްޖޭގެ ވެރިކަން ކުރައްވާފައިވާ ފަރާތެއްކަމުގައި ވިޔަސް ގާނޫނީ ގޮތުން ކުށެއް ކޮށްފިއްޔާ އެކަމުގައި އެންމެންވެސް ހަމަހަމަ ވާންޖެހޭނެ ކަމަށާއި، އެކުށުގައި އަދަބު ދިނުމަކީ ހައްގުވެގެންވާ ކަމެއް ކަމަށް ޑރ. އިޔާޒް ވިދާޅުވިއެވެ. އަދި ރައީސް ޔާމީނަށް މިފަދަ ދުވަހަކާއި ކުރިމަތިވެވަޑައިގެންފާނެ ކަމަށް އެކި ފަރާތްތަކުންވެސް ނަސޭހަތްތެރިވަމުން ދިޔަކަން ފާހަގަކުރައްވާ ޑރ. އިޔާޒު ވިދާޅުވީ މިއަދު ރައީސް ޔާމީނަށް ފެނިވަޑައިގަންނަވަމުން އެދަނީ އެކަން ގަބޫކުނުކޮށް ކުރިއަށް ދިއުމުގެ ހިތި ނަތީޖާ ކަމަށެވެ. އަދި މިކަމުގައި މަދަދުވެރިވާނެ ފަރާތަކީ ހަމައެކަނި ހެއްދެވި ފަރާތް ކަމުގައިވެސް ޑރ. އިޔާޒް ވިދާޅުވި އެވެ.
ޑރ. އިޔާޒް ވިދާޅުވީ ރައީސް ޔާމީނުގެ މައްޗަށް ކުރި ހުކުމަކީ ކްރިމިނަލް ކޯޓުގެ ފަނޑިޔާރުންގެ ބެންޗުގައި ހިމެނޭ ފަސް ފަނޑިޔާރެއްގެ އިގްތިފާގުން ކުރި ހުކުމެއް ކަމަށެވެ. އަދި އެ ހުކުމަކީ އެއްވެސް ގޮތަކައް އިންސާފުވެރި ނޫން ގޮތަކައް ކުރައްވާފައިވާ ހުކުމެއް ކަމަށް ގަބޫލު ނުކުރައްވާ ކަމަށް ވިދާޅުވިއެވެ.
މިދިޔަ ބުރާސްފަތި ދުވަހު ރައީސް ޔާމީނަށް، މަނީ ލޯންޑާކުރި ކުށް ސާބިތުވެ ކްރިމިނަލް ކޯޓުން 5 ފަނޑިޔާރުންގެ ބެންޗަކުން ވަނީ 5 އަހަރުގެ ޖަލު ހުކުމެއް ކޮށްފައެވެ. އަދި 5 މިލިއަން ޑޮލަރުން ޖޫރިމަނާކޮށް 6 މަސް ދުވަހުގެ މުއްދަތެއްގެ ތެރޭގައި ދެއްކުމަށްވެސް ވަނީ ހުކުމް ކޮށްފައެވެ.
ޔާމީން މީހުން ޖަލައް ގަޅާލީ އިންސާފުންތަ. އަދިވެސް ކުޑަ އެހުކުން
އޯކޭ ޔާމީނު ވައްކަންކުރީޔޯ އެންމެރަނގަޅު ތިޔަމޮޅު ޑޮކްޓަރ ބުނެބަލަ މާތްރަސްކަލާންގެ ގަންދީހުވާ ކޮށްފަ ޔާމީނަށްކުރީ އިސްލާމީ ސަރީއަތާފުށުނާރާ އިސްލާމީސަރީއަ ތެއްތޯ
ޝެއިޚްގެ ހިއްވަރުގަދަ ތެދުބަސްފުޅަށްޓަކާ އުފާކުރަމެވެ. ބޭއިންޞާފުގެ ކުނޑިފަށެއްވެސް އޮތްކަމަށް ނުފެންނަ ޙުކުމަކާމެދުގައި ބަޔަކު ހަދަމުންދާ ދޮގެއް ހާމަކޮށްދިނުމަކީ ވަރަށްބޮޑު ހެޔޮކަމެކެވެ. ޝެއިޚަށް ހެޔޮޖަޒާ ދެއްވާށިއެވެ.
ޝެއިހް ކައިރިން ސާފްކޮށްލަން ބޭނުންވަނީ ދިވެހިރާއްޖޭގައި ހިންގަނީ އިސްލާމީ ޝަރީޢަތްތޯ؟ ދެން އަހާލަން ބޭނުންވަނީ އިލާހިއްޔަ ޝަރީއަތާ ގާނޫނުގެ މައްޗައް ބާރުލިބިދޭ އެހެން އެހެން ގާނުނެއް މުސްލިމުންނަށް ވޭތޯއެވެ؟
2014 ގަ މަޖިލީހަށް ނުހޮވުނީމަ އައި ރުޅީގެ ހަސަދަ އަދިވެސް އެ ފިލުވަނީ.
ހަމަޔަގީނުންވެސް އެނގޭ ކަމަކީ އެކުށެއްގަ ހިމެނޭ ކުއްވެރިއެއްގެ ހެކިބަސް ސައްހަ ނުވާނެކަން ވީމާ ތި ޝަރިޔަތް އަލުން ޖެހޭ ތިނޫން ބެންޗަކުން ބަލަން
ކުށްކުރިމީޙާ އަމިއްލަ އަށް އިއުތިރާފު ވުމާއި ކުށުގެ ބައިވެރިއެއްގެ ހެކި ބަހާއި ތަފާތެއް ނެތް...ހޮޅިނުގޮވާ ހުރޭ
ޙަމަ ހަގީގަތުގަވެސް ޔާމީނަކީ ވަރަށް އަނިޔާވެރިކޮށް ވެރިކަން ކުރި މީހެތް މުޅި ގައުމު ހުރިހާ މުއައްސަސާތަކެއް ފުނޑާލާ ޕާޓޭމެންނަށް ނުހައްގުން ވަޒީފާތަށް ދީ ސަރުކާރު ކުންފުނިތަކަކީ ޔާމީނު އަމިއްލަ މިލްކަކަށް ހަދާ މިހެންގޮސް ކިޔާނެ ކަމެތްނެތް އަދިވެސް ޔާމީނު ވަޒީފާ ދީފަތިބި އެތައް ބައެތް ކުންފުނިތަކުގަ ގިނަވެފަ ކުރާނެ ކަމެތް ނެތިފަ އެބަތިބި އެޗްޑީސީއައްވެސް ވޯޓުލާން އޮތް ދުވަހު ނޫން ފަހު ދުވަހު 400 މީހުންނަށް ވަޒީފާ ދިން ނެތްވަޒީފާތަށް ހަދައިގެންވެސް ވަޒީފާދިން އެމީހުން ވަޒީފާއަށް ނުނިކުމެ ގޭގަތިބެގެން މުސާރަ އެނަގަނީ
ދެން ސިޔާމުމެންވެސް ނުވަާނެއްނު އަރަބިބަހުން ޓްވީޓް ކޮށްގެންނެއް 2 ޑޮކްޓަރުން އެކަނިވިއްޔާ މިޤައުމުގަ އަރަބިބަސް އެނގޭ ބަޔަކަށް ތިބީ. ކަލޯ ޑޮކްޓަރު ތިޔަގޮތުގަ ކުރިޔަށް ވަޑައިންނަވާ ހަސަދަވެރި ކަމަކީ ކިހާވަރެއްގެ ކަމެއް ކަންވެސް އެނގޭނީ ހަމަ ތިޔަ 2ޑރ.އަށް އެކަނިވިއްޔާ. ތިޔައީ އިމްރާން ނިކަމެތި އަންހެނަކާ ހަޑިމުޑުދާރު ގޮތައް ކަންތަށް ކުރީމަވެސް އަންހެން މީހާޔަށް ތައުބާވާން އެންގެވި ސޭހުން ވިއްޔާ.
އިޔާޒުވެސް އެޝަރީއަތް ބެއްލެވި ކަމަށް ހީކުރަން ޝަރީޢަތް ނިމި ހުކުމް ކުރެވިގެން ދިޔައީ އިސްލާމީ ޝަރީޢަތާ އެއްގޮތައްތޯ އަޅުގަނޑު އިޔާޒާ ކޮށްލަން ބޭނުންވާ ސުވާލަކީ. އަދީބުއާ ޒިއަތުގެ ހެކިބަސް އިސްލާމީ ޝަރީޢަތުގައި ގަބޫލު ކުރެވޭނެތޯ
ޢަމަލީގޮތުން އެކަންކުރި ބަޔަކަށްވުރެ ޞައްޙަ ހެކިބަހެއް ދެވޭނީ ކާކަށް..، ޔާމީންހުރީ ކޮންމަޤާމެއްގައި.. ކޮންވައްތަރު ބުއްދި ހުންނަނީ...
ޢިސްލާމީ ހުކުމަކީ އަތްކެނޑުން
74 މިލިއަން ޑޮލަރުގެ ތެރެއިން އެންމެ 1 މިލިއަނުގެ ބޭނުމުގަ އެކަން ކޮށްފާނެކަމަށް ހީކުރާނީ ސިކުނޑި ހަމަނުޖެހޭ ބައެއް.
ކޮބާތަ އަމިއްލަ އިއުތިރާފް
އަދީބް އާއި ޒިއަތު އަކީ އެހުރިހާ ޖަރީމާ ހިނގުމަށް ޔާމީން ހަވާލުކޮށްފަ ތިބި 2 ވަގުން ޔާމީން ބުނެގެން އެހުރިހާ ޖަރީމާ ހިންގި 2 މީހުން އިސްލާމީ ޝަރީއަތެއް ކުރިނަމަ ޔާމީންގެ ދެމަފިރިންނާއި އަދީބް ޒިއަތު އަދި އެތައްބައެއްގެ އަތްކަޑަންޖެހޭ ޒިއަތު އަދީބްގެ ހެކިބަސް ބޭނުމެއްވެސް ނުވޭ ޔާމީންގެ އެކައުންޓެއްގަ 1 މިލިއަން ޑޮލަރ ހުރީ ޔާމީންއަށް ނޭނގި ބަޔަކު ޖަމާކުރި ފައިސާނަމަ އެ އެކައުންޓް އިން ޔާމީން ގެ އެހެން އެކައުންޓަކަށް އެފައިސާ ޓްރާންސްފަރ ކޮށް އެފައިސާއިން ވިޔަފާރި ނުކޮށް އޭސީސީ އިން އެދުނު ގޮތައް އެފައިސާ އެސްކްރޯ އެކައުންޓައް ޖަމާކުރީސް އެފައިސާ ވިޔަފާރި ކުރަން ބަހައްޓާފަ އެހެން މީހެއްގެ އަތުން 1 މިލިއަން ޑޮލަރ ނަގާފަ އެސްކްރޯ އެކައުންޓައް ލުމަކީ ޝަޚުޞު އޮޅުވާލުމާއި ލާރި ދޮވުން އެއީ ކުށެއް އަދި އެބަހުރި ބައިވަރު ޚިތާނާތުގެ ހުކުމް
ޔާމީނު ގެ މައްޗަށް ކުށް ސާބިތުވީ އޭނާގެ އިއްތިރާފުން.
ޞޯލިހުބެ ބޭނުން ގޮތަކަށް ތެޅޭ އިރު މިބޭ ހެވިފަ ހުކުމް ކުރި ގާޟީ އަކީ މިބޭގޭގަ ބަތާ ސައިގަ ބޮޑުވި މީހެއް ކަމަށް ވަނީ؟؟؟؟
އެތަނަށްދިޔަ ޔާމީނުގެ ވަކީލުންނަށްވުރެ ގޭގައޮތް ތިމީހާއަށް ބޮޑަށް ތިކަން އެނގޭނީ.
މުނާފިގެއް
ޝައްކު މިހާރު.މިހުރިހާކަމެއް ލޮލުން ދެކި އަތުން ހިފެމުންދާއިރުވެސް އަދިވެސް ޔާމީނުގެ ބޮލޭތަ ކިޔައްވީ.ކިހާދެރަކަމެށްތަ އިޔާޒުމެންގެ ފަރާތުން ވެސް މިފެންނަނީ.؟؟؟