ސުލްހަ މަސަލަސްކަން ދަމަހައްޓައި ކުރިއެރުވުމުގައި ބައިނަލްއަގުވާމީ މުޖުތަމައާއެކު ދިވެހިރާއްޖެއިން ކުރިއެކޭ އެއްގޮތަށް މަސައްކަތް ކުރަމުންގެންދާނެކަމުގެ ޔަގީންކަން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިޙް ދެއްވައިފިއެވެ.
މިއަދު ފާހަގަކުރަމުންދާ 74 ވަނަ އ.ދ. ދުވަހުގެ މުނާސަބަތުގައި ފޮނުއްވި މެސެޖުގައި ރައީސުލްޖުމްހޫރިއްޔާ ވަނީ އ.ދ. އުފެއްދުމުގެ މަގުސަދުތައް ހާސިލްކުރުމުގައި ސާބިތުކަމާއެކު މިހާތަނަށް ދެމިއޮތްކަން ފާހަގަ ކުރައްވާފައެވެ. އެމަނިކުފާނު ވަނީ ރާއްޖެއިން އ.ދ. ގެ ޗާޓަރުގައިވާ ކަންކަމަށް އިޖާބަދޭނެކަން ހާމަކުރައްވައި އ.ދ.ގެ ޗާޓަރުގެ ރޫހާއި އެއްގޮތްވާ ގޮތުގެ މަތީން މަސައްކަތްކުރުމަކީ އެޖަމާއަތުގައި ހިމެނޭ އެންމެހާ ގައުމުތަކަށް ލާބައާއި މަންފާ ލިބޭނެ ކަމެއްކަން ގަބޫލުކުރައްވާކަން ފާހަގަކުރައްވާފައެވެ.
ރައީސުލްޖުމްހޫރިއްޔާގެ މެސެޖުގައި 2030 ވަނަ އަހަރުގެ ނިޔަލަށް ހާސިލްކުރުމަށް ކަނޑައަޅާފައިވާ ދެމެހެއްޓެނިވި ތަރައްގީގެ ލަނޑުދަނޑިތަކަކީ އެކަންކަމުގެ ސަބަބުން ގައުމުތަކުގެ އެންމެހާ ރައްޔިތުންނަށް ހަރުދަނާ، ރައްކާތެރި، ދުޅަހެޔޮ، ސުލްހަވެރި އަދި އަބުރުވެރި ދިރިއުޅުމެއް ހޯދައިދިނުމަށް ބައްޓަންކުރެވިފައިވާ ފުރިހަމަ އޮނިގަނޑެއްކަން ހާމަކުރައްވާފައިވެއެވެ. މީގެ އިތުރުންވެސް 2030 ވަނަ އަހަރުގެ ނިޔަލަށް ދެމެހެއްޓެނިވި ތަރައްގީގެ ލަނޑުދަނޑިތައް ހާސިލްކުރުމުގައި ރާއްޖެއިން ބައިވެރިވެފައިވާ މުއާހަދާތަކާއި އެއްބަސްވުންތަކާއި އެއްގޮތަށް އަމަލުކުރުންމަތީ ދެމިއޮންނާނެކަމުގެ ފުރިހަމަ ޔަގީންކަން ރައީސުލްޖުމްހޫރިއްޔާ ދެއްވާފައިވެއެވެ. އަދި، މިކަންކަން ހާސިލްކުރުމުގައި މި ޖީލަށް ހުރި ގޮންޖެހުންތަކާއި އެކުގައިވެސް ބައިނަލްއަގުވާމީ މުޖުތަމައާއި ގުޅިގެން، މައުލޫމާތު ހިއްސާކުރެވޭ މާހައުލެއްގެ ތެރެއިން ހައްލުހޯދުމުގައި ރާއްޖެ ދެމިއޮންނާނެކަމަށްވެސް މި މެސެޖުގައި ރައީސުލްޖުމްހޫރިއްޔާ ހާމަކުރައްވާފައިވެއެވެ.
ރައީސް އިބްރާހީމް މުހައްމަދު ސޯލިހު ރާއްޖޭގެ ވެރިކަމަށް ވަޑައިގަތުމާއި އެކު އެމަނިކުފާނު އަންނަނީ ބައިނަލްއަގުވާމީ މައިދާނުގައި ރާއްޖެއާ ގުޅުން ކެނޑިފައިވާ ބައެއް ގައުމުތަކާއި އެކު ގުޅުންތައް ބަދަހި ކުރަމުންނެވެ. އ.ދ. ގެ 74 ވަނަ އާއްމު މަޖިލީހުގައި ރައީސް ސޯލިހު، މިދިޔަ ސެޕްޓެމްބަރ މަހު ދެއްވި ތަގުރީރުގައިވެސް ރާއްޖެ އަލުން ބައިނަލްއަގުވާމީ އިސް ސަފުގައި ހަރަކާތްތެރިވާން ފަށާނެ ކަމަށް ވަނީ ވިދާޅުވެފައެވެ.
އ.ދ. ދުވަހުގެ ގޮތުގައި 1948 ވަނަ އަހަރުން ފެށިގެން ފާހަގަކުރާ ދުވަހަކީ އޮކްޓޫބަރު މަހުގެ 24 ވަނަ ދުވަހެވެ.
އަދިވެސް ސުލްހަ މަސްލަސްކަން ޤާއިމު ކުރަން ތިބޭފުޅާ ވާހަކަ ދައްކަން ޖެހެނީ ބައިނަލް އަގްވާމީ. މުޖުތަމަޢާއި އެކީގަތޯ،؟ ބައިނަލް އަގްވާމީ މުޖުތަމައުން މިހާތަނަށް ދުނިޔެއަށް ސުލްހަ ގެނެވުނުތޯ؟ އެހެން ނޫނީ މިމައްސަލަ ދުނިޔޭގެ ފެންވަރުގެ މައްސަލައަކަށްވީތޯ، ބޯދަމައިގަންނަންވެސް ތަންކޮޅެއް ޒިންމާދާރު ވާހަކަ ދެއްކުމަށް ގޮވާލަން