ކްރިމިނަލް ކޯޓުގައި މިއަދަށް ތާވަލު ކޮށްފައި ހުރި ހުރިހާ ޝަރީއަތެއް ކެންސަލް ކޮށްފިއެވެ.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ)އިން ބުނީ ކްރިމިނަލް ކޯޓުގެ އިމާރާތުގައި ކަތުރު ފަނި އަޅާފައި ވާތީ އެ ފިލުވުމަށް ބޭސް ޖަހާފައިވާ ކަމަށެވެ. އެހެންކަމުން އެ ކޯޓުގެ މިއަދުގެ ޝަރީއަތްތައް ކެންސަލް ކޮށްފައިވާ ކަމަށެވެ. ނަމަވެސް ބަންދުގެ މުއްދަތު ޖެހުން ޖަސްޓިސް ބިލްޑިންގްގައި ކުރިއަށް ދާނެ ކަމަށް ޑީޖޭއޭއިން މައުލޫމާތު ދެއެވެ.
މިއަދު އެކޯޓުގައި މާލޭގައި ހިނގާފައިވާ މަރުގެ ބޮޑެތި މައްސަލަތަކެއް ވަނީ ތާވަލު ކޮށްފައެވެ.
މިއަދުގެ ޝަރީއަތްތައް ކްރިމިނަލް ކޯޓުން ކެންސަލް ކޮށްފައި ވާއިރު އެކޯޓުގައި ނުނިމި ގިނަ މައްސަލަތަކެއް އެބަހުއްޓެވެ. އަދި ޖުޑީޝަލް ސާވިސް ކޮމިޝަން (ޖޭއެސްސީން) ވަނީ ވީހާވެސް އަވަހަށް އެ މައްސަލަތައް ބަލާ ނިންމުމަށް ކްރިމިނަލް ކޯޓަށް އިރުޝާދު ދީފައެވެ.
