މިއަހަރުގެ ގައުމީ ގުރުއާން މުބާރާތުން އެއްވާ ހޯދި އިމާމުއްދީން ސްކޫލުގެ ދަރިވަރު މުހައްމަދު ސާއީ މުބާރަކަށް ހައްޖު ކޯޕަރޭޝަންގެ ފަރާތުން ހައްޖު ދަތުރެއް ދީފިއެވެ.
މި މުބާރާތުން އެއްވަނަ ސާއީ ހޯދާފައިވަނީ މުބާރާތުގައި ބައިވެރިވި 1273 ކުދިންނާއި ވާދަ ކޮށްގެންނެވެ. މި މުބާރާތުގެ ނަތީޖާ ފާޅު ކޮށްފައިވަނީ ރޭ އިސްލާމީ މަރުކަޒުގައި އެކަމަށްޓަކައި ބޭއްވި ހާއްސަ ރަސްމިއްޔާތެއްގައެވެ. މި ރަސްމިއްޔާތުގައި ސާއީއަށް އިނާމު ހަވާލު ކޮށްދެއްވީ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހެވެ.
އިމާދުއްދީން ސްކޫލުގެ ގްރޭޑު 10އެއްގައި ތައުލީމު ހާސިލު ކުރަމުންދާ ސާއީއަށް ހައްޖު ކޯޕަރޭޝަންގެ ފަރާތުން ހައްޖު ދަތުރެއް ލިބުނުއިރު މޯލްޑިވިއަންގެ ފަރާތުން ވަނީ ރާއްޖޭގެ ކޮންމެ ސަރަހައްދަކަށް ދިއުމުގެ ދެކޮޅު ޓިކެޓްވެސް ދީފައެވެ. އަދި ފެނަކަ ކޯޕަރޭޝަންގެ ފަރާތުން ވަނީ 15،000 ރުފިޔާގެ އިނާމެއް ދީފައެވެ.
ތިން ކެޓަގަރީއަކަށް ބަހާލައިގެން ބޭއްވި މި މުބާރާތުން ދެވަނަ ހޯދާފައިވަނީ އިސްލާމިކް ޔުނައިޓެޑް ފޯ އަސާސް ވިނަވި އެންޑް އިޔާރުގެ ފަރާތުން ބައިވެރިވި މުހައްމަދު ނަބީހު ރާޝިދެވެ. އަދި ތިން ވަނަ ހާސިލްކޮށްފައިވަނީ ދައުވާ ފައުންޑޭޝަންގެ މުހައްމަދު ނަބްހާނެވެ.
ރޭގެ ރަސްމިއްޔާތުގައި ހާފިޒްކަމުގެ ޝަރަފް ހޯދި 15 ބޭފުޅަކަށް ވަނީ ތަށިވެސް އަރުވައިފައެވެ.
