ރައީސުލްޖުމްހޫރިއްޔާ އިބްރާހީމް މުހައްމަދު ސާލިހުގެ އެކައުންޓަށް 4.3 މިލިއަން ޔޫރޯ ޖަމާކޮށްފައިވާ ކަމަށް ބުނާ މައްސަލައެއް އެންޓި ކޮރަޕްޝަން ކޮމިޝަން (އޭސީސީން) ތަހުގީގު ނުކުރާކަމަށް އެ މުއައްސަސާއިން ބުނެފިއެވެ.
"ދަ ޕްރެސް" އަށް މައުލޫމާތު ދެމުން އެކޮމިޝަނުން ބުނީ، މައްސަލަ ތަހުގީގު ކުރާ ކަމަށް ބުނެ މައްސަލަ ހުށަހެށި ފަރާތަށް މެސެޖު ދިޔައީ އާންމުކޮށް އޮންނަ އުސޫލުން މައްސަލައާ ގުޅޭ ލިޔުންތައް އިވެލުއޭޓު ކުރަން ފަށާ ސިސްޓަމުން އެކަން ޓީމަކަށް އެސައިން ކުރުމުން އޮޓޯ އިން ކަމަށެވެ.
"އެ މައްސަލައިގެ ލިޔެކިޔުންތައް އިވެލުއޫޓް ކުރަނީ، އޭގެ ފަހުން ނިންމާނީ ބަލަންޖެހޭ ބައްސަލައެއްތޯ، ބަލަން ޖެހެންޏާ އެ މައްސަލަ އެސައިން ކުރާނެ ތަހުގީގު ޓީމަކާ، މި މައްސަލައިގައި ހާއްސަ ޓީމެއް ނެގީ، އެއީވެސް ތަހުގީގު ޓީމެއް. އެއީ އިވެލުއޫޓު ކުރަން، އެކަމަކު ސިސްޓަމުން އެސައިން ކުރެވެނީ ޓީމަކަށް ކަމަށްވީމައި އެ މެސެޖު އެދިޔައީ" އޭސީސީގެ އޮފިޝަލް ވިދާޅުވިއެވެ.
މި މައްސަލަ އޭސީސީއަށް ހުށަހެޅީ އަމިއްލަ ފަރާތަކުންނެވެ. މި މައްސަލަ އޭސީސީއަށް ހުށަހެޅި ފަރާތުން ހާމަ ކުރި މައުލޫމާތުގައި ވާގޮތުން މައްސަލަ އޮތީ ރަޖިސްޓާ ކޮށްފައެވެ.
އޭސީސީއަށް ހުށަހަޅާފައި ވަނީ ރައީސް ސޯލިހުގެ އެކައުންޓަށް 4.2 މިލިއަން ޔޫރޯ (72 މިލިއަން ރުފިޔާ) ޖަމާވެފައިވާ ކަމަށް ބުނެ ހުށަހަޅާފައިވާ މައްސަލައެކެވެ. މިކަމާއި ގުޅޭގޮތުން ރައީސް ސޯލިހުގެ ފަރާތްޕުޅުން ތަރުޖަމާން މިހާތަނަށް އެއްވެސް އެއްޗެއް ވިދާޅުވެފައި ނުވާއިރު މި ވާހަކަ ދޮގު ކުރައްވާފައެއްވެސް ނުވެއެވެ.
ރައީސްގެ އެކައުންޓަސް ފައިސާތަކެއް ވަން ކަމަށް ބުނާ މި މައްސަލަ އޭސީސީއަށް ހުށަހަޅާފައި ވާއިރު ކުރީގެ ނާއިބު ރައީސް އަހުމަދު އަދީބު ރައީސަށް 36 މިލިއަން ރުފިޔާ ދިން ކަމަށް ބުނެ ވާހަކަތަކެއް ދިޔައީ ދެކެވެމުންނެވެ. ނަމަވެސް އެ ވާހަކަތައް ރައީސް އޮފީހުން ވަނީ ދާދިފަހުން ދޮގު ކޮށްފައެވެ.
އަދި މިކަން އެނގިވަޑައިގަންނަވާނެ ކަމަށް ބުނާ ކުރީގެ ފިޝަރީޒް މިނިސްޓަރު ޝައިނީ އާއި ބަންޑާރަ ނައިބު މިކަމާ އެއްޗެއް ވިދާޅެއް ނުވިއެވެ.
ޔަގީން ތި ނުބަލާނެ ޞޯލިހު ބިން ޞިއްދީޤު ވިއްޔާ؟؟؟؟