ސައުދީ އަރަބިއްޔާއިން އަންހެނުން ބާރުވެރި ކުރުމަށް އަޅާފައިވާ ފިޔަވަޅުތަކަށް ޖެންޑާ މިނިސްޓަރު ޝިދާތާ ޝަރީފު ސައުދީ އަރަބިއްޔާގެ ސަރުކާރަށް މަރުހަބާ ދެންނެވި ދެންނެވުމަށް ދީނީ އިލްމުވެރިޔާ ޑރ. މުހައްމަދު އިޔާޒު ރައްދު ދެއްވައިފިއެވެ.
ސައުދީ އަރަބިއްޔާއިން ނިންމި ނިންމުމަކީ އަންހެނުންނަށް ތަންތަނަށް ދަތުރުކުރުމުގައި އެއްވެސް މަހުރަމަކާ ނުލާ ދަތުރުކުރެވޭނެ ފަދަ ބަދަލުތައް ގެނައުމެވެ. މިކަމަށް ތާއީދުކުރައްވައި ޖެންޑާ މިނިސްޓަރު ޝިދާތާ ކުރެއްވި ޓުވީޓެއްގައި ވިދާޅުވެފައިވަނީ އަންހެނުން ބާރުވެރިކުރުމުގެ ގޮތުން ސައުދީ އަރަބިއްޔާއިން ނިންމި ތާރީހީ ނިންމުމެއް ކަމަށެވެ.
މިކަމަށް ރައްދު ދެއްވައި ދީނީ އިލްމުވެރިޔާ ޑރ. މުހައްމަދު އިޔާޒް ކުރެއްވި ޓުވީޓެއްގައި ވިދާޅުވެފައިވަނީ އިސްލާމްދީނުގައި އަންހެނުންނަށް ދެއްވާފައިވާ ބާރާއި ހިމާޔަތަށްވުރެން، ފުރިހަމަ ހިމާޔަތެއް އަދި ބާރުވެރިކަމެއްވެސް އެހެން ފަރާތަކަށް، ނުދެވޭނެ ކަމަށެވެ. އަދި ބަޔަކު ގޮތަކަށް ކަމެއްކުރުމަކީ ދެންތިބި މީހުންވެސް އެކަމަށް ތާއިދުކޮށް އެގޮތަށް އަމަލުކުރަން ޖެހޭކަމެއް ނޫންކަމަށެވެ.
އަދީ މީގެ އިތުރަށް ޑރ. މުހައްމަދު އިޔާޒު ކުރެއްވި ޓުވީޓެއްގައިވަނީ ކީރިތި ރަސޫލާގެ ހަދީޘް ފުޅެކެވެ. އެ ހަދީސް ފުޅުގައި ވަނީ "މަޙުރަމަކާ ނުލާ އަންހެނަކު އެކަނި ދަތުރު ނުކުރާ ހުށިކަމެވެ." އަދި މި ޓްވީޓުގައި ޖެންޑާ މިނިސްޓަރު ޓެގްކުރައްވައި އިޔާޒު ވިދާޅުވީ، މި ހަދީސް ބަސްފުޅަށްވުރެ ބާރުގަދަ އެހެން ބަހެއް ގެނައުމަކީ ކުރެވޭނެ ކަމެއް ނޫން ކަމަށެވެ.
ޒަމާނުއްސުރެން ސައުދީ އަރަބިއްޔާގައި އޮންނަ އުސޫލަކީ އަންހެނަކާއެކު އެއްވެސް ތަނަކަށް ދަތުރުކުރާނަމަ އެބަޔަކާ ހަވާލުވުމަށް މަހުރަމަކު ހުންނަންޖެހޭނެ ކަމަށެވެ. ނަމަވެސް ދާދިފަހުން ސައުދީ އަރަބިއްޔާއިންވަނީ މިއުސޫލު ބަދަލުކޮށް އަންހެނުން ތަންތަނަށް ދަތުރުކުރުމުގައި އެއްވެސް މަރުހަމަކާ ނުލާ ދަތުރުކުރެވޭނެގޮަތަށް ނިންމާފައެވެ.
