އެއްވެސް މީހަކު އެހީތެރިކަން ބޭނުންވާނަމަ، އެކަން ކުރުމަށް އަބަދުވެސް ތައްޔާރަށް ތިބޭނެކަމަށް ފުލުހުން ބުނެފިއެވެ.
ފުލުހުން މިހެން ބުނެފައިވަނީ މާލެތެރެ ޕެޓްރޯލް ކުރަމުން ދަނިކޮށް ފަޅުގައި އޮތް ލޯންޗެއްގައި އުޅުނު މީހަކު ހާޓް އެޓޭކެއް ޖެހިގެން އެހީތެރިކަން ފޯރުކޮށްދިނުމަށްފަހު ކުރި ޓްވީޓެއްގައެވެ.
ފުލުހުން ކުރި ޓްވީޓުގައި ބުނެފައިވަނީ، މިއަދު ހަވީރު މާލޭގެ ފަޅުގައި އޮތް ލޯންޗެއްގައި މީހަކު ހާޓްއެޓޭކެއް ޖެހިގެން، އެވަގުތު މަގުމަތި ޕެޓްރޯލުކުރަމުން ދިޔަ އެސްއޯ ފުލުހުނަށް ގޮވުމުން، ވަގުތުން އެމީހާ ހޮސްޕިޓަލަށް ގެންގޮސްދީފައިވާ ކަމަށެވެ. އަދި އެހީތެރިކަން ބޭނުންވާ ނަމަ އެންގުމަށް ފުލުހުން ވަނީ އެދިފައެވެ.
"އެހީތެރިކަން ބޭނުންފުޅު ނަމަ އަންގާލައްވާ! އަޅުގަނޑުމެން މިތިބީ ތައްޔާރަށް!" ފުލުހުންގެ ޓްވީޓުގައި ބުނެފައިވެއެވެ.
ކުރީގެ ސަރުކާރުގައި އާންމުން ފުލުހުންނަށް ކުރި އިހުތިރާމާއި ގަދަރު އަދި އިތުބާރު ކުޑަވެފައިވާކަމަށް ގިނަ ފަރާތްތަކުން ބުނަމުންދާއިރު، އެ ކަންކަން ރަނގަޅުކުރުމަށް ފުލުހުންގެ އިސްވެރިން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ފުލުހުންނާއި ރައްޔިތުންނާ ދެމެދު އޮންނަ ގުޅުމާއި، އެކުވެރިކަން އަދި އިތުބާރު ދެމެހެއްޓުމަށް ގިނަ މަސައްކަތްތަކެއް ކުރައްވާނެކަމަށް މިހާރުގެ ޕޮލިސް ކޮމިޝަނަރު ވަނީ ވިދާޅުވެފައެވެ.
ކެން ޔޫ އެރެސްޓު އަ ސިރިއަލް ކިލަރ؟