އީދު ދުވަހު ހަވީރު މާލެ ސިޓީގައި ދުއްވާ ބައެއް ކެޓެގަރީގެ އުޅަނދުތައް ޖޫރިމަނާ ކުރެވޭނެ ކަމަށް ޓްރާސްންސްޕޯޓް އޮތޯރިޓީން ބުނެފިއެވެ.
މިކަމާ ގުޅޭ ގޮތުން ޓްރާންސްޕޯޓް އޮތޯރިޓީން ނެރުނު އިއުލާނުގައި ބުނީ އީދު ދުވަހު ހަވީރު 16:00 އިން އިރުއޮއްސި 6:00 އާހަމަޔަށް އެއްގަމު އުޅަނދު ދުއްވުން ސިޓީ ކައުންސިލުން މަނާކޮށްފައި ވާތީ އެގަޑިތަކުގައި ދުއްވާ އުޅަނދުތަށް 750 ރުފިޔާއިން ޖޫރިމަނާ ކުރެވޭނެ ކަމަށެވެ. އެގޮތުން ޖޫރިމަނާ ކުރުމަށް ހަމަޖެހިފައި ވަނީ މާލެ، ހުޅުމާލެ އަދި ވިލިމާލޭގައި ދުއްވާ ވެހިކަލްތައް އެކަނި ކަަމަށް ޓްރާންސްޕޯޓް މިނިސްޓްރީން ބުނެއެވެ.
ޓްރާންސްޕޯޓް މިނިސްޓްރީން ބުނީ މަނާ ގަޑިތަކުގައި ދުއްވޭނީ 6 ކެޓަގަރީއެއްގެ އުޅަނދު ތަކަށެވެ. މި 6 ކެޓަގަރީގެ ތެރޭގައި ހިމެނެނީ ސަލާމަތީ ބާރުތަކުން ދުއްވާ އެއްގަމު އުޅަނދުތަކާ، އެމްބިއުލެންސް، ފުރާ މީހުން ބޭނުންކުރާ ޕިކަޕާ ޓެކްސީ، ހާއްސަ އެހީއަށް ބޭނުންވާ މީހުން ދުއްވާ ސައިކަލު، ޕަބްލިކް ޓްރާންސްޕޯޓް ގޮތުގައި ބޭނުންކުރާ ބަސްފަދަ އުޅަނދުތަކުގެ އިތުރުން އެ ދުވަހު އެ ގަޑީގައި ދުއްވުމަށް ހުއްދަ ދެވޭ އެހެނިހެން އުޅަނޑުތައް ކަމަށެވެ.
ޓްރާންސްޕޯޓް މިނިސްޓްރީން ބުނީ މި އުޅަނދުތަކުގެ ތެރެއިން ޓެކްސީ ޕިކަޕް ދުއްވޭނީ ސިޓީ ކައުންސިލުން ދެވޭ ހާއްސަ ހުއްދައަކާ އެކުކަމަށެވެ. ހުއްދަނެތި ދުއްވާ ޓެކްސީ އަދި ޕިކަޕް ފަދަ ވެހިކަލްތައް ޖޫރިމަނާ ކުރާނެ ކަމަށް ޓްރާންސްޕޯޓް މިނިސްޓްރީން ބުނެއެވެ.
ޓްރާންސްޕޯޓް މިނިސްޓްރީން ބުނީ މިގޮތަށް ނިންމީ މާލެ، ހުޅުމާލެ އަދި ވިލިގިލީގައި އުޅޭ ރައްޔިތުންނަށް ވީހާވެސް ރައްކާތްރިކަމާ އެކީ އީދު ދުވަހުގެ ކުރިވަރުތަކާ އެހެނިހެން ހަރަކާތްތަކުގައި ބައިވެރިވުމުގެ ފުރުސަތު ހޯދައި ދިނުމުގެ މަގްސަދުގައި ކަމަށެވެ.
