ފ. ދަރަނބޫދޫ ގެއަކުން 3 ލައްކަ ރުފިޔާ ވަގަށް ނަގައިފިއެވެ.
ދަރަނބޫދޫ އަތަމާގޭގައި ރައްކާ ކޮށްފައިވާ ތިން ލައްކަ ރުފިޔާ ވަގަށް ނެގި މައްސަލައެއް ފުލުހުން ތަހުގީގު ކުރަމުން ދާ ކަން ކަށަވަރު ކޮށްދީފިއެވެ.
ފުލުހުން ބުނީ އެމައްސަލަ ރިޕޯޓު ކޮށްފައި ވަނީ އިއްޔެ މެންދުރު 2:03 ހާއިރު ކަމަށާ މި ފައިސާ ގެއްލިފައި ވާ ކަމަށް އެނގިފައިވަނީ މިދިޔަ ހޮނިހިރު ދުވަހު ކަމަށެވެ.
މި މައްސަލައިގައި ވަގަށް ނަގާފައި ވަނީ ތިން މީހަކު ހައްޖަށް ދިއުމަށް ރައްކާ ކޮށްފައިވާ ފައިސާ ކަމަށް ފުލުހުން ބުނެއެވެ. ފުލުހުން ބުނީ މި މައްސަލައިގައި އަދި އެއްވެސް މީހަކު ހައްޔަރު ކޮށްފައި ނުވާ ކަމަށެވެ.
ތ. ވިލިފުށީ ގެއަކުން ތިން ލައްކަ ރުފިޔާ ވަގަށް ނަގައިފި | ކ. ދިއްފުށީގައި ހަމަނުޖެހުމެއް ހިންގައި ދެމީހަކު ޒަހަމް ކޮށްލައިފި، އެކަކު ސީރިއަސް
ވައްކަމުގެ މައްސަލަތައް މިފަހަކަށް އައިސް ވަނީ އިތުރުވެފައެވެ. އެގޮތުން އަތޮޅުތެރޭގެ ރަށްރަށުގެ ތެރެއިން ރަތަފަންދޫއާއި ދިއްފުށީގައި ވައްކަމުގެ ބޮޑު ދެ މައްސަލައެއް ފާހަގަ ކުރެވެއެވެ. އަދި ތ. ވިލުފުށީގައި 3 ލައްކަ ރުފިޔާއެއް ވަގަށް ނެގި މައްސަލައެއްވެސް ވަނީ ފާހަގަ ކުރެވިފައެވެ.
