ހުޅުމާލެ ފަޅުތެރޭގައި އޮތް ލޯންޗެއްގައި އެއްޗެއް ގޮވާ 3 މީހަކަށް އަނިޔާވެއްޖެއެވެ.
ފުލުހުން ބުނީ ހުޅުމާލެ ލަކުޑި ޖެޓީގައި އޮތް އެމްޓީސީސީ "އެކްސްޕްރެސް 1" ލޯންޗުގެ ޕެޓްރޯލް ޕަމްޕް ސުވިޗް ބަދަލުކުރަން އުޅުމުގެ ތެރޭގައި އަލިފާން ކަނޑި ކަނޑައިގެން ބާރު އަޑަކާއެކު ބެޓަރީ ގޮވުމުގެ ސަބަބުން ތިން މީހަކަށް އަނިޔާވެގެން ހުޅުމާލެ ހޮސްޕިޓަލުގައި ފަރުވާދެމުންދާ ކަމަށެވެ.
ފުލުހުން ބުނީ މި ހާދިސާ ފުލުހުންނަށް ރިޕޯޓްކޮށްފައިވަނީ މިއަދު 11:15 ހާއިރު ކަމަށެވެ. އަދި އަނިޔާވި ތިން މީހުންގެ ތެރެއިން ދެ މީހެއްގެ މޫނާއި އަތް ފިހިފައިވާކަމަށް ފުލުހުން ބުނެއެވެ. މި ތިން މީހުންނަކީ ވެސް އެ ލޯންޗުގެ ފަޅުވެރިންނެވެ.
ހުޅުމާލެ ހޮސްޕިޓަލުން ބުނީ ދެމީހުން ވެސް ވަނީ ފަސްޓް ޑިގްރީ ބާންއެއް ވެފައި ކަމަށެވެ. ނަމަވެސް ފިހިފައިވަނީ ހަށިގަނޑުގެ ކިތައް އިންސައްތަކަމެއް ބުނަން އަދި އުނދަގޫކަމަށް އެ ހޮޮސްޕިޓަލުން ބުނެއެވެ.
