އަރުޖުން ކަޕޫރުގެ އާ ފިލްމް "އިންޑިއާޒް މޯސްޓް ވޯންޓަޑް"ގެ ޓީޒާ އާންމުކޮށްފިއެވެ.
ޖިނާއީ ކުށްވެރިންގެ ހަގީގީ ވާހަކަތަކެއްގެ މައްޗަށް ބިނާކޮށް އުފައްދާފައިވާ މި ފިލްމުގައި އަރުޖުން ފެނިގެންދާނީ ޖާސޫސީ އޮފިސަރެއް ކަމަށްވާ ޕްރަބާތުގެ ރޯލުންނެވެ. ޕްރަބާތުގެ މިޝަންއަކީ އިންޑިއާއިން ހޯދަން ބޭނުންވެފައިވާ އެންމެ ބޮޑު ޖިނާއީ ކުށްވެރިޔާ ހައްޔަރުކުރުމެވެ.
ޓީޒާއަށް ބަލާއިރު އެ ކުށްވެރިޔާގެ އެއްވެސް ތަފްސީލެއް ނުލިބެއެވެ. ނަމަވެސް ޕްރަބާތުއާއި އޭނާގެ ޓީމުން ހޯދަމުންދާ ކުށްވެރިޔަކީ އިންޑިއާގެ އެކި ހިސާބުތަކުގައި 50އަށްވުރެ ގިނަ ހަމަލާ ދިން ކަމުގެ ކުށުގެ ތުހުމަތުގައި ހޯދާ މީހެއްކަން އެނގެއެވެ.
"އިންޑިއާޒް މޯސްޓް ވޯންޓަޑް"ގައި އެންމެ ހޯދަން ބޭނުންވާ ކުށްވެރިޔާއަށް މުހާތަބުކޮށް އުޅެނީ "އިންޑިއާޒް އުސާމާ"ގެ ނަމުންނެވެ.
"އިންޑިއާޒް މޯސްޓް ވޯންޓަޑް"އަކީ އެ ބަތޮލެއްގެ ވާހަކަ މާ ބޮޑަށް ދައްކަމުން ނުދާ ޝަހްސެއްގެ ވާހަކަ ގިނަ ބައެއްގެ ސަމާލުކަމަށް ގެނެސްދިނުމުގެ މަގުސަދުގައި ތައްޔާރުކުރާ ފިލްމެއް ކަމަށް އަރުޖުން ކަޕޫރު މީގެ ކުރިންވަނީ ބުނެފައެވެ.
ފޮކްސް ސްޓާ ސްޓޫޑިއޯޒްއާއި ރާޖް ކުމާރު ގުޕްތާ އަދި މައިރާ ކާން ޕްރޮޑިއުސް ކުރާ ފިލްމް "އިންޑިއާޒް މޯސްޓް ވޯންޓަޑް" ރިލީޒް ކުރުމަށް ހަމަޖެހިފައިވަނީ އަންނަ މެއި މަހުގެ 24 ވަނަ ދުވަހުއެވެ.
