މަޝްހޫރު މިއުޒިކް ބޭންޑް "ދަ ބީޓްލްސް"އިން "ޓޮޕް އޮފް ދަ ޕޮޕްސް"ގައި ހުށަހަޅާދިން ހަމައެކަނި ލައިވް ހުށަހެޅުމުގެ 11 ސިކުންތުގެ ވީޑިއޯ ކޮޅެއް މެކްސިކޯއިން ފެނިއްޖެއެވެ.
މި ވީޑިއޯކޮޅަކީ ގެއްލިފައިވާ ކަމަށް ކުރިން ހީކުރެވިފައި އޮތް ވީޑިއޯކޮޅެކެވެ.
މިއީ 1966 ވަނަ އަހަރު ބީބީސީއިން ގެނެސްދިން މަޝްހޫރު ޕޮޕް ޝޯގައި މި ބޭންޑުން ހުށަހަޅާދިން ކަން ފެންނަން އޮތް ހަމައެކަނި ލައިވް ވީޑިއޯކޮޅެވެ. ނަމަވެސް މި ވީޑިއޯގައި އެއްވެސް އަޑެއް ނެތެވެ.
މެކްސިކޯއިން ފެނުނު މި ވީޑިއޯކޮޅުގައި ބޭންޑުން ކިއަމުންދަނީ "ޕޭޕާބެކް ރައިޓާ" ލަވަކަމަށް ގަބޫލުކުރެވެއެވެ.
މި ޝޯގެ އަސްލު މަންޒަރުތައް ރެކޯޑުކުރި ޓޭޕުތައް ރައްކާކޮށްފައި ނުވާއިރު، މިހާރު ފެނިގެން އުޅޭ ވީޑިއޯ ކޮޅަކީ ޓީވީ މެދުވެރިކޮށް ޝޯ ބަލަމުންދިޔަ މީހަކު އޭނާގެ 8މެގާޕިކްސަލް ކެމެރާއިން ނަގާފައިވާ މަންޒަރުތަކެކެވެ. ލިވާޕޫލްގެ އާއިލާއަކުން ރެކޯޑްކޮށްފައިވާ މިވީޑިއޯކޮޅު މެކްސިކޯއަށް ދިޔައީ އެ ގައުމުގެ މީހެއްގެ އަތްމަތީގައެވެ.
މި ވީޑީއޯކޮޅަކީ މިއުޒިކްގެ ރޮނގުން މަތީ ތައުލީމު ހާސިލުކުރަމުންދާ ފަރާތްތަކުން ނުހަނު ޝައުގުވެރިވާ ވީޑިއޯކޮޅަކަށް ވަނީ ވެފައެވެ.
