ދުޅަހެޔޮ ސިއްހަތެއްގައި ދެމި ހުރުމަށްޓަކައި ނެށުމަކީ އެންމެ މުނިފޫހިފިލުވާލަދޭ އެއް ގޮތްކަމަށް ވަކާލާތުކޮށް، އެކަން ސާބިތުކޮށްދިނުމަށްޓަކައި، ބޮލީވުޑްގެ ތަޖުރިބަކާރު ބަތޮލާ މަލައިކާ އަރޯރާ، އޭނާގެ މަޝްހޫރު ލަވަ "ޗައިޔާ ޗައިޔާ"ގެ ސްޓެޕްތައް އަލުން ޖައްސާލައިފިއެވެ.
1998 ވަނަ އަހަރުގެ ފިލްމް "ދިލްސޭ"އިން އާންމުންގެ މެދުގައި ބޮޑު މަގުބޫލުކަމެއް ހޯދި މަޝްހޫރު ލަވަ "ޗައިޔާ ޗައިޔާ"ގެ ސްޓެޕްތައް އަލުން ޖައްސާ، މާޒީގެ ހަނދާންތަކުގެ ތެރެއިން ހެލިފެލިވުމާ ކަސްރަތުގެ ސްޓޭޕްތަކެއް މަލައިކާ ގެނެސްދިނީ އޭނާގެ ޖިމް-ބަޑީޒްއާއެކުގައެވެ.
ނެށުމުގެ ވަރުގަދަ ސްޓެޕްތަކެއް ފެނިގެންދާ މި ލަވާގައި މަލައިކާއާއިއެކު ދެން ލީޑް ޑާންސަރެއްގެ ގޮތުގައި ފެނިގެންދަނީ ޝާހް ރުކް ހާންއެވެ.
"ޗައިޔާ ޗައިޔާ"ގެ ސްޓެޕްތައް 20 އަހަރަށްފަހު މަލައިކާ ދައްކާލިއިރު އެންމެ ކުރިއާ އަޅާ ބަލާއިރު އެންމެ ތަންކޮޅެއްވެސް ފުރިހަމަކަމަށް އުނިކަން ނާންނަކަމށް އޭނާގެ ފޭނުން ދަނީ ބުނަމުންނެވެ.
މަލައިކާވަނީ މިމަންޒަރުތައް އޭނާގެ އިންސްޓަގްރާމް އެކައުންޓް މެދުވެރިކޮށް ޕޯސްޓްވެސްކޮށްފައެވެ.
މިހާރުގެ ލޯބިވެރިޔާ އަރުޖުން ކަޕޫރްއާއިއެކު ރާއްޖެއައުމަށް މަލައިކާ ތައްޔާރުވަމުންދާކަމަށް މީޑިއާގައި އަޑުތައް ފެތުރިފައިވާއިރު، މި ދެ ލޯބިވެރިން ކައިވެނީގެ ގޮށްވެސް ޖަހާނީ މިމަހުގެ ތެރޭގައި ކަމަށް ބޮލީވުޑްގެ ބައެއް ޚަބަރުތައް ބުނެއެވެ.
