ކުރީގެ ރައީސް އަބްދުﷲ ޔާމީން އެނބުރި އަތުވެއްޖެނަމަ، ރިިޔާސީ އިންތިހާބުގެ ކާމިޔާބާއެކު ލިބުނު ހުރިހާ އުއްމީދުތަކެއް ފުނޑުފުނޑުވެގެންދާނެ ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
ޝާހިދު މިހެން ވިދާޅުވެފައި ވަނީ ރައްޔިތުންގެ މަޖިލީހުގެ އިންތިހާބަށް ދެތިން ދުވަހަށް ވެފައި ވަނިކޮށް، ސަރުކާރު ހިންގުމަށް މަޖިލީހުގެ މެޖޯރިޓީ ބޭނުންވާކަމަށް ސަރުކާރުން ބުނަމުން ދަނިކޮށެވެ. ޝާހިދު ކުރެއްވި ޓްވީޓެއްގައި ވިދާޅުވީ ޔާމީން އެނބުރި އަތުވެއްޖެނަމަ، ހުދުމުހުތާރު ވެރިޔަކު ބޭރުކުރަން ގިނަ ބަޔަކު ކުރި ބުރަ މަސައްކަތް ފެނަށް ވެގެންދާނެ ކަމަށެވެ.
"ވަރަށް ގިނަ މީހުން އުނދަގުލާއި ތަކުލީފުގެ ތެރެއިން، ހުދުމުހުތާރު ވެރިކަމެއް ބަދަލުކުރަންވި ގުރުބާނީ ވެގެންދާނީ ފެނަށް" ޝާހިދު ވިދާޅުވިއެވެ.
ޝާހިދު ވިދާޅުވީ މާޒީއާއި ކުރިއަށް އޮތް ޖީލުތައް ވެސް ޔާމީނަށް އަލުން ބާރުދޭން މަސައްކަތް ކުރާ މީހުންނަށް މައާފު ނުކުރާނެ ކަމަށެވެ. މީގެ ކުރިން ޝާހިދު ވިދާޅުވެފައިވަނީ، ހުރިހާ ބާރެއް މުށުތެރެއަށްލައިގެން ވެރިކަން ކުރެއްވި ޔާމީން ބަލިކޮށް ދިވެހި ރައްޔިތުން މިސާލު ދައްކާފައިވާ ކަމަށެވެ. އަދި އެ މަސައްކަތް އެއްކޮށް ފުރިހަމަ ނުވާ ކަމަށާއި، ޔާމީނާއެކު މުގުލުގައި ތިބި މީހުން މުލުން ލުހެލާ އިންސާފް ގާއިމް ކުރަން ޖެހޭ ކަމަށެވެ.
ޝާހިދު ވިދާޅުވީ އެކަން ކުރެވޭނީ ވޯޓުން ކަމަށާއި، ރައްޔިތުން ވޯޓުލާން ނުކުމެ މަޖިލިސް އިންތިހާބުުގައި އެ ފުރުސަތު ބޭނުންހިފަން ޖެހޭ ކަމަށެވެ.
ހާދަ ބިރެއް..
ހާދަހާއޭދޯ ތިބިރުން ތެޅިފޮޅެނީ. ސާހިދު .ކަލޭ.