މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) ގެ ވެހިކަލަކުން ދެ މިލިއަން ރުފިޔާ ފޭރިގަތްތާ މިއަދާ ހަމައަށް ހަތަރު ދުވަސް ވީއިރު އަދިވެސް ފައިސާއަށް ވީ ގޮތެއް ނުހޯދެއެވެ.
މި ހާދިސާއާ ގުޅޭގޮތުން 'ދަޕްރެސް' އިން ކުރި ސުވާލަކަށް ޖަވާބު ދެއްވަމުން މިފްކޯގެ އެޑްމިން މެނޭޖާ އަބްދުލް ސައްތާރު މޫސާ ވިދާޅުވީ، ފޭރިގެންފައިވާ ފައިސާ އަދިވެސް ނުހޯދޭ ކަމަށެވެ. އަދި މި ހާދިސާގައި ޝައްކު ކުރެވޭ އެއްވެސް ސްޓާފް އަކު ނެތް ކަމުގައި ވިޔަސް، މިއީ މިފްކޯގެ އެތެރެއިން މައުލޫމާތު ބޭރުވެގެން ހިނގި ހާދިސާއެއް ކަމަށް އެފަރާތަށް ގަބޫލު ކުރެވޭ ކަމަށްވެސް ސައްތާރު ވިދާޅުވިއެވެ.
މިދިޔަ ބުދަ ދުވަހު ބޮޑުތަކުރުފާނު މަގުން ދުއްވާފައި ދަނިކޮށް މިފްކޯގެ ވޭނެއް ހުއްޓުވައި ހެލްމެޓަކުން މޫނު ނިވާކޮށްފައި ތިބި ބަޔަކު ވަނީ އޭގައި ހުރި ފައިސާ ފޭރިގެންފައެވެ. ފޭރިގެންފައިވާ ފައިސާއަކީ މިފްކޯގެ ހެޑް އޮފީހުން ފެލިވަރަށް ގެންދިޔަ ދެ މިލިއަން ރުފިޔާކަމަށް މިފްކޯ އިން މައުލޫމާތުދެއެވެ.
މި ފައިސާ ފޭރިގެންފައި ވަނީ ވޭނުގައި ތިބި މިފްކޯގެ މުވައްޒަފުންނަށް ބިރު ދެއްކުމަށް ފަހު ކޯރާޑިއަކުން ޖަހާ ވޭނުގެ ބިއްލޫރިގަނޑު ތަޅާލައެވެ. އެގޮތުން ވޭނުގެ ކުރީ ބިއްލޫރިގަނޑުގައި ރެނދުލާފައި ވާއިރު ޑްރައިވަރު ސީޓު ހުންނަ ފަޅީގެ ބިއްލޫރިގަނޑު ވަނީ އެއްކޮށް ފުނޑުފުނޑު ކޮށްލައިފައެވެ.
ފުލުހުން މިމައްސަލަ ތަހުގީގު ކުރަމުންދާތާ މިހާރު ހަތަރު ދުވަސް ވީ އިރު، ފޭރިގެންފައިވައި ފައިސާއާއި ބެހޭ އެއްވެސް މައުލޫމާތެއް އަދި ހޯދިފައެއްނުވެއެވެ.
ޔާމީން ދޫކޮށްފައި ހުރީމަ ހިނގާ ކަންތައް