އައްޑޫ ކައިރިއަށް މިއަދު އައި ބިންހެލުމުގެ އަސަރު ރާއްޖެއަށް ނުކުރާނެ ކަމަށް މޯލްޑިވްސް މީޓަރަލޮޖިކަލް ސާވިސް އިން ހާމަކޮށްފިއެވެ.
ބިން ހެލުން އައިސްފައިވވަނީ މިއަދު ހެނދުނު ރާއްޖެ ގަޑިން 8:37 ގައި ރާއްޖެއާއި 850 ކިލޯމީޓަރު ކައިރިއަށެވެ.
"ދަޕްރެސް" އާއި ވާހަކަދައްކަވަމުން އެ އޮފީހުގެ ޑިރެކްޓާ ޖެނެރަލް އަހްމަދު ރަޝީދު ވިދާޅުވީ 5.2 މެގްނިޓިއުޑްގެ ބާރު މިނުގައި ބިންހެލުމެއް މިއަދު ހެދުނު މާލެ އާއި 850 ކިލޯ މީޑަރު ދުރުން ކަނޑުގެ 10 ކިލޯ މީޑަރު އަޑިއަށް އައިސްފައިވާ ކަމަށެވެ. އޭގެ އިރުކޮޅެއް ކުރިން 4.8 މެގްނެޑިއުޑްގެ ބާރުމިނުގައި ވެސް ހަމަ އެސަރަހައްދަށް ބިންހެލުމެއް އައިސްފައިވާ ކަމަށެވެ.
މިބިންހެލުމުގެ ސަބަބުން ރާއްޖެއަށް މިކަމުގެ އަސަރު އެއްވެސް ވަރަކަށް ނުކުރާނެ ކަމަށް އަހްމަދު ރަޝީދު ވިދާޅުވިއެވެ.
މިހުގެ 10 ގައި މާލެއާ 2017 ކިލޯމީޓަރު ކައިރިން އިންޑިއާ ކަނޑަށް ބިންހެލުމެއް އައިސްފައިވާ އިރު، މިއަހަރުގެ ޖެނުވަރީ މަހުގައި ވެސް މާލެއާ 5350 ކިލޯމީޓަރު ދުރަށް ދެ ބިންހެލުން ވަނީ އައިސްފައިވެއެވެ.
