ފުވައްމުލަކުގައި 17 އަހަރުގެ ކުޑަކުއްޖަކަށް ތޫނުއެއްޗަކުން ހަމަލާދީ ޒަހަމް ކޮށްލައިފިއެވެ.
ރޭ ފަތިހު 05:50 ހާއިރު މިހާދިސާ ހިނގަފައިވަނީ ފުވައްމުލަކު މާދަޑު ގެސްޓް ހައުސްއެއް ކުރިމަތީ ކަމަށް ފުލުހުން މައުލޫމާތުުދެއެވެ.
ފުލުހުން މައުލޫމާތުދޭ ގޮތުގައި ޒަހަމް ކޮށްލާފައިވާ ކުއްޖާގެ އަތަށާއި ބޮލަށް ތޫނު އެއްޗަކުން ހަމަލާދީފައިވެއެވެ. ނަމަވެސް، އެ ކުއްޖާގެ ހާލު ސީރިއަސް ނޫންކަމަށް ފުލުހުން ބުނެއެވެ.
އަނިޔާވި ކުއްޖާއަށް ފުވައްމުލަކު ހޮސްޕިޓަލުން ފަރުވާ ދެމުން ދާއިރު ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
މިހާރަކަށް އައިސް ރާއްޖޭގައި މީހުންނަށް ތޫނު އެއްޗެހިން އަނިޔާ ދިނުމާއި ފޭރުން ވަނީ އާންމު ކަމަކަށް ވެފައެވެ.
