ތިޖޫރީގައި ހުރި 5 ލައްކަ ރުފިޔާ ވަގަށް ނެގީ ރިސޯޓުން ޕޭމެންޓް ލިބުނުތާ ދެވަނަ ހަފްތާ ގައި ކަމަށް އުނގޫފާރު ވެސްޓް ބީޗް ރެސްޓޯރެންޓް ހިންގާ ހަސަން މޫސާ ބުނެފިއެވެ.
މި ހާދިސާއާއި ގުޅިގެން "ދަޕްރެސް" އާއި ވާހަކަ ދައްކަމުން ހަސަން މޫސާ ބުނީ އޭނާ ކުރާ މަސައްކަތް، ރިސޯޓް ސަޕްލައިސް ކޮށްގެން ރިސޯޓަކުން ޕޭމަންޓް ލިބުނުތާ އަދި ވީ ދެ ހަފްތާ ކަމަށެވެ. ހަސަން ބުނީ އޭނާގެ ތިޖޫރީ ވަގަށް ނަގާފައިވަނީ އޭނާގެ އަންހެނުން ބަލިވެގެން ހޮސްޕިޓަލުގައި ހުއްޓާ ކަމަށާ މި ކަން ކޮށްފައިވަނީ ހުކުރު ގަޑީގައި ކަމަށެވެ.
ހަސަން ބުނީ ތިޖޫރީ ވަގަށް ގެންދިޔައީ ކޮޓަރީގެ ކުޑަދޮރު ހަލާކު ކޮށްލައިގެން ކަމަށެވެ. އަދި ތިޖޫރީގައި 550،000 ދިވެހި ރުފިޔާ އާއި ޑޮލަރުގެ އިތުރުން ބިދޭސީންގެ ޕާސްޕޯޓާއި ލިޔެކިއުންތައްވެސް ހުންނާނެ ކަމަށްވެސް ހަސަން ބުންޏެވެ.
މިއަދު 13:32 ހާއިރު ފުލުހުންނަށް މައުލޫމާތު ދިނުމާއި އެކު ފުލުހުން ކުރި ތަގުގީގާއި ގުޅިގެން ކޯޓު އަމުރެއްގެ ދަށުން 27 އަހަރުގެ ފިރިހެނަކު ވަނީ ހައްޔަރުކޮށްފައެވެ. މި މީހާ ވަގަށް ނެގި ތިޖޫރީ އާއި ފައިސާ ފުލުހުންގެ ބެލުމުގެ ދަށަށް ގެނެވުނު ކަމެއް އަދި ހާމައެއް ނުކުރެއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
މިފަހަކަށް އައިސް ރާއްޖޭގައި ވައްކަމުގެ މައްސަލަތައް ދަނީ އިތުރު ވަމުންނެވެ.
