ސަރުކާރުގެ ކުންފުނިތަކުގައި މަސައްކަތްކުރާ މުވައްޒަފުންގެ ތެރެއިން އެމްޑީޕީއަށް ތާއީދު ނުކުރާ މުވައްޒަފުން ވަޒީފާއިން ވަކިކުރާ މައްސަލަ ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އަދާ ކުރާ މިންވަރު ބަލާ ކޮމެޓީއަށް ހުށައެޅުއްވުމަށް ތައްޔާރުވެފައި ވާކަމަށް ޕީޕީއެމްގެ ޕާލިމެންޓްރީ ގުރޫޕުގެ ލީޑަރު އަހްމަދު ނިހާން ވިދާޅުވެއްޖެއެވެ.
މި ކަމާ ގުޅިގެން، ސަރުކާރުގެ މަސްއޫލިއްޔަތު އަދާ ކުރާ މިންވަރު ބަލާ ކޮމެޓީގެ ބައްދަލުވުމެއް ބާއްވައިދެއްވުމަށް އެދިވަޑައިގެން 4 މެންބަރުން ސޮއި ކުރައްވާ މަޖިލީހުގެ އަމީންއާންމަށް މިއަދު ވަނީ ސިޓީއެއް ފޮނުވާފައިވެއެވެ.
މި ސިޓީގައި، ރައީސް އިބްރާހީމް މުހައްމަދު ސޯލިހް ސަރުކާރާ ހަވާލުވި ފަހުން ދައުލަތުގެ އެކި ކުންފުނި ތަކުން ގިނަ އަދަދެއްގެ މެންބަރުން ވަޒީފާ އިން ވަކިކުރަމުން ދާކަމަށް ބުނެފައިވެއެވެ. އަދި އެކަމުގެ ކަންބޮޑުވުމާއި ހިތްހަމަ ނުޖެހުމާއި ޝަކުވާ ބަޔަކު ކުރަމުން ދާ ކަމަށާއި އެ މައްސަލަ ބައްލަވަން ބޭނުންފުޅު ވާކަމަށް ވެސް ސިޓީގައި ބުނެފައި ވެއެވެ.
އަދި ވަކިން ހާއްސަކޮށް ފެނަކަ ކޯޕަރޭޝަނުގެ ގިނަ އަދަދެއްގެ މުވައްޒަފުން ވަޒީފާއިން ވަކި ކޮށްފައިވާކަން ވެސް ސިޓީގައި ފާހަގަ ކޮށްފައި ވެއެވެ.
ސިޓީގައި ސޮއި ކުރައްވާފައިވާ 4 މެންބަރުންނަކީ:
- ކެލާ ދާއިރާގެ މެންބަރު އަލީ އާރިފް
- ހޯރަފުށީ ދާއިރާގެ މެންބަރު މުހައްމަދު އިސްމާއީލް
- މިލަންދޫ ދާއިރާގެ މެންބަރު ހަސަން މުފީދު އަބްދުލް ގާދިރު
- ނައިފަރު ދާއިރާގެ މެންބަރު އަހްމަދު ޝިޔާމް
މި ހަތަރު މެންބަރުންނަކީ ވެސް އިދިކޮޅު ޕީޕީއެމަށް ނިސްބަތްވާ ހަތަރު މެންބަރުންނެވެ.
ޢިބުރާހީމް ރައިސަށް ވޯޓުލާން އެމްޑީޕީގަ ރީ ރަޖިސްޓަކުރަން ގުޅުމުން އެކަމަށް ނޫނެކޭ ބުނި ކުދިންނައް ވަޒީފާ ނުދޭމައްސަލަވެސް ބަލާލަބަލަ .މިއީ އަލަށް ވަޒީފާ ބޭނުން ވެގެން ވަޒީފާ އަށް އެދި ހުށައަޅާ ކުދިންނައް ނޫނެކޭ ބުނާ ސަރުކާރެއް.