ސަންޖޭ ލީލާ ބަންސާލީގެ "ޕަދްމާވަތު"ގައި އޭނާ އަދާކުރި ރޯލަށް ގިނަ ބައެއްގެ ތައުރީފު ހޯދާފައިވާ ޝާހިދު ކަޕޫރު، މިހާރު އެ ފިލްމެއްގެ މަސައްކަތް ކުރަމުން އަންނަ "ކަބީރު ސިންހް"ގެ މަސައްކަތްތައް ވަރަށް އަވަހަށް ނިންމާލާނެ ކަމަށް ޚަބަރު ލިބިއްޖެއެވެ.
"އަރުޖުން ރެޑީ"އިން ފިލްމު ޑައިރެކްޝަންގެ ތެރެއަށް ވަތް ސަންދީޕު ވަންގާ ޑައިރެކްޓްކުރާ "ކަބީރު ސިންހް" ގެ މަސައްކަތްތައް މުޅިން ނިމެން ގާތްވެފައިވާކަން ފާހަގަކޮށް ޝާހިދު ކަޕޫރުވަނީ އިންސްޓާގްރާމްގައިވެސް އެކަން ހިއްސާކޮށްފައެވެ.
"ކަބީރު ސިންހް"ގައި ފެނިގެންދާނީ ރާބުއިމުގައި މަސްތުވެ ހައްދުފަހަނައަޅާފައިވާ މީހަކު، އޭނާގެ ކުރީގެ ލޯބިވެރިޔާ އެހެން މީހަކާއި ކައިވެނީގެ ގޮށް ޖަހާލާ ހިސާބުން އަމިއްލަ ނަފުސު ހަލާކުގެ ތެރެއަށް އެއްލާލާ މަންޒަރުތައް ކަމަށް މައުލޫމާތު ލިބެއެވެ.
"ކަބީރު ސިންހް"ގެ ލީޑުން ފެނިގެންދާނީ ޝާހިދު ކަޕޫރުގެ އިތުރުން ކިއާރާ އަދުވާނީއެވެ.
2018 ވަނަ އަހަރުގެ އޮކްޓޯބަރު މަހު ޝޫޓިންގް ފެށި ފިލްމު "ކަބީރު ސިންހް" ސިނަމާތަކުގައި އެޅުވުމަށް ހަމަޖެހިފައިވަނީ މިއަހަރުގެ ޖޫން މަހުގެ 21 ވަނަ ދުވަހުއެވެ.
