އިންޑިއާގެ ޓީވީ ސީރީޒްތަކުން ދިވެހިންގެ މެދުގައިވެސް ބޮޑު މަގުބޫލުކަމެއް ހޯދި ޒުވާން ތަރި ސުޝާންތް ސިންހް ރާޖުޕުތްގެ އިންސްޓަގްރާމް އެކައުންޓުގައި ހުރި ހުރިހާ ޕޯސްޓުތަކެއް ފޮހެލައިފިއެވެ.
ހުރިހާ ޕޯސްޓެއް ޑިލީޓްކޮށްލުމާއިއެކު އެކި ގޮތްގޮތަށް އަޑުތައް ދަނީ ފެތުރެމުންނެވެ. އެގޮތުން އެއީ، ކުރިއަށް އޮތް މަސައްކަތަކާއި ބެހޭ ވާހަކަ އާންމު ކުރުމަށް އޭނާ ކުރާ ކަމެއް ކަމަށް ބައެއް މީހުން ބުނާއިރު، އެކަމާއި ބުނާނެ އެއްޗެއްވެސް ނޭނގިފައި ތިބި މީހުން އެބަތިއްބެވެ.
ސެލެބްރިޓީއިން ސޯޝަލް މީޑިއާ އެކައުންޓްތަކުގައި ހިއްސާކުރަމުންދާ ވާހަކަތަކަކީ އެ ފަންނުވެރިންގެ ފޭނުން ވަރަށް ގާތުން ބަލަމުންދާ ޕޯސްޓަތަކަށްވީ ނަމަވެސް، ސުޝާންތް ސިންހް ރާޖްޕުތްގެ އިންސްޓަގްރާމު ޕޯސްޓުތަކަށް މިވީ ގޮތަކާއި ބެހޭ ގޮތުން އޭނާ އަދި އެއްވެސް އެއްޗެއް ބުނެފައެއް ނުވެއެވެ.
