3 އަހަރު ދުވަހުގެ މެދުކެނޑުމަކަށްފަހު ބޮލީވުޑްގައި ޕްރިޔަންކާ ޗޯޕްޅާ ކުރަން ފެށި ފުރަތަމަ މަސައްކަތް ކަމަށްވާ "ދަ ސްކައި އިޒް ޕިންކް"ގެ ޝޫޓިންގް ނިންމާލައިފިއެވެ.
ޅަ އުމުރެއްގައި ޕަލްމޮނަރީ ޕައިބްރީސިސްގެ ޝިކާރައަކަށްވި މޯޓިވޭޝަނަލް ސްޕީކާ އާއިޝާ ޗޯދަރީ ދިރިއުޅުމުގެ މައްޗަށް ބިނާކޮށް ރޯއީ ކަޕޫރު ފިލްމްސް އިން އުފައްދާ "ދަ ސްކައި އިޒް ޕިންކް"ގައި ޕީސީއާއިއެކު ދެން ހަރަކާތްތެރިވަނީ ފަރުހާން އަޚުތަރުއެވެ.
މިއީ ޒޯހާ އަޚުތަރުގެ "ދިލް ދަޅްކަނޭ ދޯ" އަށްފަހު ޕީސީއާއި ފަރުހާން އެކުގައި ފެންނަ ފުރަތަމަ ފަހަރުވެސްމެއެވެ.
ޝޮނާލީ ބޯސް އިސްކޮށްގެން ހުރެގެން މަސައްކަތްކުރިއަށް ގެންދާ ފިލްމް "ދަ ސްކައި އިޒް ޕިންކް"ގެ ލީޑުން ފެނިގެންދާ އިތުރު ތަރިންގެ ތެރޭގައި ޒާއިރާ ވަސީމްއާއި ރޯހިތު ސަރަފު ފާހަގަކޮށްލެވެއެވެ.
"ދަ ސްކައި އިޒް ޕިންކް" ސްކްރީން ކުރުމަށް ހަމަޖެހިފައިވަނީ މިއަހަރުގެ އޮކްޓޯބަރު މަހުގެ 11 ވަނަ ދުވަހުއެވެ.
