ނެޓްފްލިކްސްގެ ޑްރާމާ ސީރީޒް "ރީވާޑޭލް"ގައި ފްރެޑް އެންޑްރޫޒްގެ ރޯލު އަދާކުރަމުންދިޔަ ލޫކް ޕެރީގެ ކުށްލި މަރާ ގުޅިގެން ޝޫޓިންގް މެދުކަނޑާލާފައި އޮތުމަށްފަހު، އެ ސީރީޒްގެ މަންޒަރުތައް ނެގުމުގެ މަސައްކަތް އަލުން ފަށައިފިއެވެ.
ނުރައްކާތެރި ސްޓްރޯކެއް ޖެހުނުތާ 5 ދުވަސްފަހުން، ލޫކް ޕެރީ މި ދުނިޔެއާއި ވަކިވީ މިދިޔަ ހޯމަ ދުވަހުއެވެ.
ޝޯގެ ޕްރޮޑިއުސާ ރޮބާޓޯ އަގުއިރޭ-ސަކާސާ ބުނީ އެ ޝޯގެ ކުރިއަށް ހުރި ހުރިހާ އެޕިސޯޑަކީވެސް ލޫކް ޕެރީއަށް ހާއްސަ ކުރެވޭނެ އެޕިސޯޑްތަކެއް ކަމަށެވެ. މައުލޫމާތު ލިބޭ ގޮތުގައި ލިޔުންތެރިން މިހާރު ދަނީ ކުރިއަށް ހުރި ބައެއް އެޕިސޯޑްތަކަށް ބައެއް ބަދަލު ގެނެސް، އަލުން ލިއުމުގެ މަސައްކަތް ކުރަމުންނެވެ.
ރިވާޑޭލްގެ އާ އެޕިސޯޑެއް މިދިޔަ ބުދަ ދުވަހުގެ ރޭ ގެނެސްދީފައިވާއިރު، އެ އެޕިސޯޑް ނިންމާލާފައިވަނީ ލޫކް ޕެރީގެ ހަނދާނުގައި ގެނެސްދިން ހާއްސަ ފޮޓޯއަކުންނެވެ.
