ބެވާލީ ހިލްސް، 90210 އާއި ރިވާޑޭލްއިން އެތައް ޖީލެއްގެ ބައެއްގެ މެދުގައި ބޮޑު މަގުބޫލުކަމެއް ހޯދާފައިވާ އެމެރިކާގެ ކުޅަދާނަ އެކްޓަރު، ލޫކް ޕެރީ މަރުވެއްޖެއެވެ.
އުމުރުން 52 އަހަރުގައި ލޫކް ޕެރީ މަރުވިއިރު، މީގެ ހަފުތާއެއްހާ ދުވަސްކުރިން އޭނާއަށް ވަނީ ނުރައްކާތެރިކަން ބޮޑު ސްޓްރޯކެއް ޖެހިފައެވެ.
ސްޓްރޯކެއް ޖެހިގެން ލޮސްއެންޖަލީސްގެ ހޮސްޕިޓަލަކަށް ލޫކް ޕެރީ ގެންދިޔައީ މިދިޔަ ބުދަ ދުވަހުއެވެ. އޭނާ ދިޔައީ ރީވާޑޭލްގެ މަންޒަރުތަކެއް އެލް.އޭގައި ޝޫޓް ކުރަމުންނެވެ. ނަމަވެސް ލޫކްގެ މަރުގެ ޚަބަރާއިއެކު ޝޫޓިންގްގެ މަސައްކަތްތައް މިވަގުތު އޮތީ ވަގުތީ ގޮތުން މެދުކަނޑާލާފައެވެ.
ލޫކް ޕެރީ ހޮސްޕިޓަލަށް ގެންދެވުނު ދުވަހަކީ އޭނާ އެ ސީރީޒްއަކުން ގިނަ ބައެއްގެ ހިތް އަތުލި ބެވާލީހިލްސް 90210ގެ ރީބޫޓެއްގެ މަސައްކަތް އިއުލާންކުރި ދުވަސްވެމެއެވެ. ނަމަވެސް ރީބޫޓްގައި ޕެރީ ފެންނާނެކަން ނުވަތަ ނޫންކަން ހާމަކޮށްފައެއްނުވެއެވެ.
ސްޓްރޯކެއް ޖެހުނުތާ މާ ގިނަ ދުވަހެއް ނުވެ ލޫކް ޕެރީ މި ދުނިޔެއާއި ވަކިވެގެންދިޔަ ހިތާމަވެރި ހާދިސާއާއި ގުޅިގެން ގިނަ ބަޔަކު ދަނީ ސްޓްރޯކްގެ ނުރައްކާތަކަށް މީހުން ހޭލުންތެރިކުރުވުމާއި ގުޅޭ ގޮތުން ގިނަ ވާހަތަކެއް ދައްކަމުންނެވެ. އެގޮތުން ސިއްހީ މާހިރުންވެސް ދަނީ މި ދަނޑިވަޅުގެ ބޭނުން ހިފާ، މިކަމަށް މީހުން ލޯހުޅުވުމަށް މަސައްކަތްތަކެއް ކުރަމުންނެވެ.
