ޖަލުގައި ހުންނެވި ކުރީގެ ރައީސް އަބްދުﷲ ޔާމީން އައިޖީއެމްއެޗަށް ގެނެސްފިއެވެ.
ޔާމީން އައިޖީއެމްއެޗަށް ގެނެސްފައިވަނީ މިއަދު ހަވީރުގެ ވަގުތެއްގައި ކަމަށް ކަރެކްޝަންސް ސާވިސްގެ ފަރާތުން 'ދަޕްރެސް' އަށް މައުލޫމާތުދެއްވައެވެ.
ކަރެކްޝަންސް އިން ބުނީ ޔާމީން މާލެ ގެނެސްފައިވަނީ، އެމަނިކުފާނު ޑޮކްޓަރަށް ދައްކާލުމަށް އެދިވަޑައިގަތުމުންކަމަށެވެ. އަދި އެމަނިކުފާނުގެ ހާލު ސީރިއަސް ނޫންކަމަށްވެސް ކަރެކްޝަންސްގެ ފަރާތުން މައުލޫމާތު ދެއެވެ.
މީގެ އިތުރުން ރައީސް ޔާމީން އޮންނެވީ އައިޖީއެމްއެޗްގެ އެގްޒެކެޓިވް ވާޑުގައި ކަމަށް 'ދަޕްރެސް'އަށް މައުލޫމާތު ލިބިފައިވެއެވެ.
ބޮޑީ ޗެކަޕެއް ހެދުމަށް މިދިޔަ މަހުގެ 20 ވަނަ ދުވަހުވެސް، އެމަނިކުފާނު އައިޖީއެމްއެޗަށް ގެނެސްފައިވެއެވެ.
ޔާމީން ހައްޔަރުކޮށްފައި ވަނީ މަނީ ލޯންޑަރިންގެ ތުހުމަތުގައި ޝަރީއަތް ނިމެންދެން ބަންދުގައި ބަހައްޓަން ކުރިމިނަލް ކޯޓުން މިދިޔަ ފެބުރުވަރީ މަހުގެ 18 ވަނަ ދުވަހު ކޮށްފައިވާ އަމުރަކާ ގުޅިގެންނެވެ. މި މައްސަލަ މިހާރު ވަނީ ހައިކޯޓުގައި އިސްތިއުނާފު ކޮށްފައެވެ.
