ފިލްމީ ދާއިރާގައި ދޭ އެންމެ ޝަރަފުވެރި އެވޯޑްގެ ގޮތުގައި ގިނަ ބަޔަކު ބަލައިގެންފައިވާ އޮސްކާ އެވޯޑްސްއަށް ނެޓްފްލިކްސް އިންކްގެ ފިލްމުތައް ނޮމިނޭޓް ނުކުރެވޭ ގޮތް ހެދުމަށް ކުޅަދާނަ ޑައިރެކްޓާ ސްޓީވަން ސްޕީލްބާގް މަސައްކަތްކުރަމުން އަންނަ ކަމަށް ޚަބަރު ލިބިއްޖެއެވެ.
ޕޯސްޓް އޮސްކާ ބައްދަލުވުންތަކުގައި ފިލްމު ޑައިރެކްޓްކުރަމުން އަންނަ ސްޕީލްބާގް ދަނީ ސްޓްރީމްކުރާ ފިލްމުތައް އެވޯޑްތަކަށް ނޮމިނޭޓްކުރުމަށް ވަކާލާތު ކުރަމުންނެވެ.
ސްޕީލްބާގްގެ ޕްރޮޑަކްޝަން ކުންފުނިން ވާހަކަ ދެއްކި މީހަކު ބުނީ، ސްޓްރީމް ކުރާ ފިލްމުތަކާއި ސިނާމަތަކުގައި އަޅުވާ ފިލްމުތަކުގައި ތަފާތުތަކެއް ހުންނަކަމަށް ސްޕީލްބާގް ގަބޫލުކުރާ ކަމަށާއި އަންނަ މަހު އޮންނަ ޕޯސްޓް އޮސްކާ ބައްދަލުވުމުގައި އެހެން ފަރާތްތަކުންވެސް މި ފިކުރަށް ތާއީދުކުރާނެ ކަމަށް ސްޕީލްބާގް އުއްމީދު ކުރާކަމަށެވެ.
ނެޓްފްލިކްސްއިން ސްޓްރީމްކުރި "ރޯމާ"، އޮސްކާއަށް ނޮމިނޭޓް ކުރުމަށްޓަކައި ނެޓްފްލިކްސްއިންވަނީ ވަނީ މި ފިލްމުގެ މަދު ޝޯތަކެއް ސްކްރީންކޮށްފައެވެ. މި ފިލްމަކީ އަހަރުގެ ގިނަ އެވޯޑްތަކެއް ކަށަވަރުކުރި ފިލްމެކެވެ.
