ޅ. ނައިފަރުން ވީނުވީއެއް ނޭނގި ގެއްލިގެން ހޯދަމުންދިޔަ 17 އަހަރުގެ ފިރިހެން ކުއްޖާ ފެނިއްޖެއެވެ.
ގެއްލިގެން ހޯދަމުން ގޮސްފައިވަނީ ޅ. ނައިފަރު / ނޫކަނޑު، މުހައްމަދު އަހްޔާން ހުސައިން (17އ) އެވެ.
ފުލުހުން ބުނީ އަހްޔާން، ނައިފަރު ގެއެއްގެ ތެރޭގައި ހުއްޓައި ފެނިފައިވާކަމަށާއި، ކުއްޖާގެ ހާލު ރަނގަޅުކަމަށެވެ.
ފުލުހުން ބުނީ، އަހްޔާން ގެއްލިގެން ނައިފަރު ޕޮލިސް ސްޓޭޝަނަށް އާއިލާގެ ފަރާތުން ރިޕޯޓުކޮށްފައިވަނީ ސެޕްޓެމްބަރު 28 ވީ އާދީއްތަ ދުވަހުގެ ހަވީރު 5:30 އެހައިކަންހާއިރު ކަމަށެވެ.
އަދި އޭނާ އެންމެ ފަހުން ފެނިފައިވަނީ ސެޕްޓެމްބަރު 27 ވަނަ ދުވަހު ކަމަށާއި، އޭގެ ފަހުން އެއްވެސް ހަބަރެއް ނުވެގެން ފޯނަށް ގުޅުމުން ޖަވާބު ނުދޭތީ، އާއިލާއިން އޭނާ ހޯދުމަށް ކުރި މަސައްކަތުން ވެސް ފެނިފައިނުވާ ކަމަށް އާއިލާއާ ހަވާލާދީ ފުލުހުން މައުލޫމާތު ދެއެވެ.
މީގެކުރިން ވެސް މިފަދައިން ކުދިން ގެއްލިގެން ރިޕޯޓުކޮށްފައިވެއެވެ.
