ރަށުފެންވަރުގައާ ގައުމީ ފެންވަރުގާ މަދަނީ ޖަމިއްޔާތައް ކުރަމުންދާ މަސައްކަތްތަކުގެ އަގު ވަޒަންކުރުމަށް ޒުވާނުން ބާރުވެރިކުރުވުމާއި މައުލޫމާތާއި ފަންނާ ބެހޭ ވުޒާރާއިން ކުރިއަށް ގެންދާ ސިވިލް ސޮސައިޓީ އެވޯޑް 7 ޖަމިއްޔާއަކަށް މިރޭ ދީފިއެވެ.
ޔޫތު ހަބްގައި މިރޭ ބޭއްވި ހަފްލާގައި އެވޯޑް ލިބުނު ޖަމިއްޔާތަކަށް އެވޯޑް ހަވާލުކޮށްދެއްވީ ޔޫތު މިނިސްޓަރު އިބްރާހިމް ވަހީދެވެ. މިއަހަރުގެ ސިވިލް ސޮސައިޓީ އެވޯޑް ލިބިފައިވަނީ
- އަންހެނުންނާ، ކުޑަކުދިންނާ، ޒުވާނުންގެ ހައްގުތައް ހިމާޔަތްކޮށް އެފަރާތްތައް ބާރުވެރިކުރުވުގެ ދާއިރާ - ވިމެން އެމްޕަވަމަންޓް އެސޯސިއޭޝަން އޮފް ތިނަދޫ
- ހާއްސައެހީގެ ދާއިރާ އިން - ކެއާ ސޮސައިޓީ
- ތައުލީމީ ދާއިރާ - ތުޅާދޫ ސިލްވާޝައިން ކުލަބް
- ދިވެހިންގެ ސގާފަތާއި އާދަކާދަތަކާ، ތާރީހީ ތަރިކަ، ދިވެހިބަސް ދިރުވުމުގެ ދާއިރާ - ޝާއިރުންގެ ވާދީ
- ތިމާވެށީގެ ދާއިރާ އިން - ކްލީން މޯލްޑިވްސް
- ސިއްހީ ދާއިރާ އަދި ދުޅަހެޔޮ މުޖްތަމައުއަކަށް މަސައްކަތް ކުރުން - އަލްޒައިމާ ސޮސައިޓީ އޮފް މޯލްޑިވްސް
- މަސްތުވާ ތަކެތިން މުޖްތަމައު ރައްކާތެރިކުރުން - ގިރިންދާ
މި ހަފުލާގައި ވާހަކަފުޅު ދައްކަވަމުން މިނިސްޓަރު ވިދާޅުވީ ސިވިލް ސޮސައިޓީ އެވޯޑު މިރޭ 7 ޖަމިއްޔާއަކަށް ލިބުނު ނަމަވެސް 2026 ވަނަ އަހަރުގެ މި އެވޯޑަށް ގިނަ ދާއިރާތަކެއް އިތުރުކޮށް ގިނަ ޖަމިއްޔާތަކުގެ މަސައްކަތުގެ އަގު ވަޒަންކުރުމަށް ނިންމާފައިވާކަމަށެވެ.
