އަންނަ މަހު ބ. ކަމަދޫގައި މިއުޒިކް ފެސްޓިވަލެއް ބާއްވަން ނިންމައިފިއެވެ.
އަންނަ މަހުގެ 12 އިން 14 ގެ ނިޔަލަށް ކުރިއަށްދާ "ކަމަދޫ އައިލޭންޑް މިއުޒިކް ފެސްޓިވަލް" ގައި ރާއްޖެ އާއި އަދި ބޭރުގެ އެކި ފަންނާނުންގެ ހުށަހެޅުންތައް ފެނިގެންދާނެއެވެ. މި ފެސްޓިވަލުގައި ވޯކްޝޮޕްތަކާއި ބީޗު ގޭމުތަކާއި ލޯކަލް އާޓުގެ ހުނަރު ދައްކާލުން އޮންނާނެއެވެ. އަދި ދިވެހި އާޓިސްޓުންގެ ހުނަރުވެރިކަމާއި ސަގާފީ ހަރަކާތްތައްވެސް މި ފެސްޓިވަލްގައި ފެނިގެންދާނެއެވެ.
ފެސްޓިވަލް އިންތިޒާމްކުރާ ފަރާތްތަކުން ބުނީ ފެސްޓިވަލްގެ ޓިކެޓް އަގުތަކާއި ފެސްޓިވަލާ ގުޅޭ އެހެނިހެން މައުލޫމާތު ކުރިއަށް ހުރި ދުވަސްތަކުގައި ހާމަކުރާނެ ކަމަށެވެ.
