ރައީސުލްޖުމްހުރިއްޔާ ޑރ. މުހައްމަދު މުއިއްޒު މި އަހަރުގެ ރިޔާސީ ބަޔާން ދެއްވާ ޖަލްސާ އަންނަ މަހުގެ 6 ވަނަ ދުވަހު ބާއްވަން ނިންމައިފިއެވެ.
ރައީސް އޮފީހުން ބުނީ ގާނޫނުއަސާސީގެ 84 ވަނަ މާއްދާގެ ދަށުން ކޮންމެއަހަރަކު ރައްޔިތުންގެ މަޖިލީހަށް ރައީސުލްޖުމްހޫރިއްޔާ ރިޔާސީ ބަޔާން އިއްވަވާ ދުވަހަކީ، ސަރުކާރު ބަންދު ދުވަހެއްގެ ގޮތުގައި ހަމަޖައްސަވަން ރައީސް ނިންމަވާފައިވާކަމަށެވެ.
ރައްޔިތުންގެ މަޖިލިސް ހުޅުވާ ދުވަހަކީ ރައީސުލްޖުމްހޫރިއްޔާ ރިޔާސީ ބަޔާން އިއްވަވާ ދުވަހެވެ. ނަމަވެސް މިދިޔަ އަހަރުގެ ރިޔާސީ ބަޔާން އިއްވެވި ދުވަސް ސަރުކާރު ބަންދުކޮށްފައެއް ނުވެއެވެ. ރައީސް އޮފީހުން މިއަދު ބުނީ ރައްޔިތުންގެ މަޖިލީހަށް ރިޔާސީ ބަޔާން އިއްވަވާ ދުވަހަކ،ީ ސަރުކާރު ބަންދު ދުވަހެއް ކަމަށް ރައީސް ހަމަޖެއްސެވުމާ ގުޅިގެ،ން 18 ޖެނުއަރީ 2024ގެ ދެންނެވުން ބާތިލުކޮށްފައިވާ ކަމަށެވެ.
ގާނޫނު އަސާސީގައިވާ ގޮތުގެ މަތިން ކޮންމެ އަހަރެއްގައި ވެސް ރައްޔިތުންގެ މަޖިލީހުގެ ފުރަތަމަ ޖަލްސާ އަށް ރައީސްގެ ރިޔާސީ ބަޔާން އިއްވަވާނެއެވެ.
ރިޔާސީ ބަޔާނުގައި އެ އަހަރުގެ ތެރޭގައި ސަރުކާރުން ކުރަން ނިންމާފައިވާ ކަންކަމާ ގުޅޭ މުހިންމު މައުލޫމާތުތަކާއި ތަސައްވުރާއި މާލީ ހާލަތާއި އެނޫންވެސް މުހިންމު ކަންކަމުގެ މައްޗަށް ރައީސްގެ ބަޔާނުގައި އަލިއަޅުވާލައްވައެވެ.
