ހުސްވި 2024 ވަނަ އަހަރު މުދަލު ޒަކާތުގެ ގޮތުގައި 100 މިލިއަނަށް ވުރެ ގިނަ ރުފިޔާ ލިބިއްޖެ އެވެ.
މީރާއިން މިއަދު އާންމުކުރި ތަފާސް ހިސާބުތަކުން ދައްކާގޮތުން މިދިޔަ އަހަރު މުދަލު ޒަކާތުގެ ގޮތުގައި ޖުމްލަ 101,939,070.15 (ސަތޭކަ އެއްމިލިޔަން ނުވަލައްކަ ތިރީސް ނުވަހާސް ހަތްދިހަ ރުފިޔާ ފަނަރަ ލާރި) ވަނީ ލިބިފަ އެވެ.
މިއީ ދިވެހިރާއްޖޭގެ ތަރީހުގައިވެސް އެއްއަހަރެއްގެ ތެރޭގައި މުދަލު ޒަކާތުގެ ގޮތުގައި ލިބިފައިވާ އެންމެ ބޮޑު އަދަދުކަން ފާހަގަކޮށް އިސްލާމިކް މިނިސްޓްރީން ބުނީ، ގިނަ އަދަދެއްގެ ފައިސާ ލިބުމަކީ މުއްސަނދިން މުދަލު ޒަކާތަށް އަހައްމިއްޔަތުކަން ދޭ މިންވަރު ހާމަކޮށްދޭކަން ހާމަވެފައިވާ ކަމަށެވެ.
އަދި އެ މިނިސްޓްރީން ވަނީ ޒަކާތުގެ ގޮތުގައި ލިބޭ ފައިސާ އަބަދުވެސް ހަރަދު ކުރަމުންދަނީ ޝަރުއީ އުސޫލުތަކާއި މިންގަނޑުތަކުގައި ކަނޑައަޅާފައިވާ ގޮތުގެ މަތިން އޭގެ ހައްގު ވެރިންނަށްކަމުގެ ޔަގީންކަން އަރުވާފައެވެ.
ނިމި ދިޔަ 2024 ވަނަ އަހަރުގެ ތެރޭގައި ދިވެހިރާއްޖޭގެ ޒަކާތު ހައުސްގެ ފަރާތުން ދިވެހި ރައްޔިތުން ޒަކާތާ ގުޅުންހުރި ކަންކަމަށް އަހުލުވެރިކޮށް ހޭލުންތެރި ކުރުމަށްޓަކައި ތަފާތު ހަރަކާތްތަކެއް ވެސް ވަނީ ކުރިއަށް ގެންގޮސްފައެވެ.
