ލޯންޗަކުން ޖެހި މޫދަށްއެރި އުޅުނު ޓޫރިސްޓަކު ނިޔާވެއްޖެއެވެ.
ނިޔާވެފައި ވަނީ އާޖެންޓީނާގެ އުމުރުން 55 އަހަރުގެ ފިރިހެން ފަތުރުވެރިއެއް ކަމަށް ފުލުހުން މައުލޫމާތު ދެއެވެ.
ފުލުހުން ބުނީ އދ. އަތޮޅު ރިސޯޓެއްގައި ޗުއްޓީ ހޭދަކުރަމުންދިޔަ ޓޫރިސްޓެއް ރެޑިސަން ބްލޫ މޯލްޑިވްސް ރިސޯޓް ބޭރު މޫދުގައި އުޅެނިކޮށް "އައިކޮމް ގްރީން" ނަމަކަށް ކިޔާ ލޯންޗަކުން ޖެހި މީހާ ނިޔާވެފައިވާ މައްސަލަ ފުލުހުންނަށް މިއަދު ހެނދުނު 10:00 ހާއިރު ރިޕޯޓްކޮށްފައިވާ ކަމަށެވެ.
މި ހާދިސާގެ އިތުރު ތަފްސީލެއް ފުލުހުން ދީފައި ނުވާއިރު ފުލުހުން ބުނީ މި މައްސަލަ ތަހުގީގު ކުރަމުންދާ ކަމަށެވެ.
