ބޮންޑެޑް ވެއާހައުސްއެއްގައި ބަހައްޓާފައި ހުރި ގިނަ އަދަދެއްގެ ސިނގިރޭޓަށް ވީނުވީއެއް ނޭނގި ގެއްލުނު މައްސަލާގައި އެ ތަކެތީގެ ވެރިފަރާތުން 40 މިލިއަން ރުފިޔާ ދައްކަން އަންގާފައިވާ ކަމަށް ހޯމް މިނިސްޓަރީން ވިދާޅުވެއްޖެއެވެ.
'ދަ ޕްރެސް' އަށް މައުލޫމާތު ދެމުން ހޯމް މިނިސްޓްރީން ބުނީ އެ ތަކެތީގެ ވެރިފަރާތުން ފައިސާ ދައްކަން ކަސްޓަމްސް އިން މިހާރު އަންގާފައިވާ ކަމަށެވެ. މި ޖޫރިމަނާ ކޮށްފައި ވަނީ ކަސްޓަމްސް ޑިއުޓީ އާއި ޖޫރިމަނާ ވެސް ހިމަނައިގެން ކަމަށް މިނިސްޓަރު އިހްސާން ވިދާޅުވެފައި ވާއިރު ވެރި ފަރާތުން އެ ފައިސާ ދައްކަން އަންގާފައި ވަނީ ކަސްޓަމްސް އަށް ނާންގާ ބޮންޑެޑް ވެއާހައުސް އިން އެއްޗެއް ނެރުމަކީ މަނާ ކަމަކަށް ވާތީއެވެ.
ގޭގޭގައި ހަދާފައިވާ ބޮންޑެޑް ވެއާހައުސްތަކުގައި ދެ ތަޅު ހަރުކޮށްފައި ހުންނަޖެހޭ އިރު އޭގެ ތެރެއިން އެއް ތަޅުދަނޑި ކަސްޓަމްސްގައި އަދި އަނެއް ތަޅުދަނޑި އޮންނަނީ އެ ބޮންޑެޑް ވެއާހައުސްއަކަށް ޒިންމާވާން ޖެހޭ ފަރާތެއްގެ ހަވާލުގައެވެ. އެހެންވެ، ކަސްޓަމްސް އަށް ނާންގާ އެ ތަނަށް ވަދެވުނު ގޮތެއް ބެލުމަށް ފުލުހުންނަށް ހުށަހަޅާފައިވާ ކަމަށް އިހްސާން ވިދާޅުވިއެވެ.
މިދިޔަ ޑިސެމްބަރު މަސްތެރޭގައި ބޮންޑެޑް ވެއާހައުސް އެއްގައި ހުރި 34،500 ކާޓޫނުގެ ސިނގިރޭޓް ގެއްލުމާއި ގުޅިގެން އޭރު އެކްސްގައި ކުރެއްވި ޕޯސްޓެއްގައި ހޯމް މިނިސްޓަރު އަލީ އިހްސާން ވިދާޅުވީ މިކަން ހިނގާފައި ވަނީ މާލޭގެ ގެއެއްގައި ހަދާފައި ހުރި ވެއާ ހައުސްއެއްގައި ކަމަށެވެ. އެ މައްސަލަ ފެންމަތިވުމާ އެކު، ކަސްޓަމްސް އިން ވަނީ އަމިއްލަ މީހުންގެ ގޭގޭގައި ކަސްޓަމްސްގެ ބޮންޑެޑް ވެއާހައުސްތައް ހިންގުން މަނާކޮށްފައެވެ
މުއްސައްޖެއްވީމަތޯ ކުންފުނީގެ ނަންވެސް ޖަހާލަން ނުކެރުނި. ނިކަމެއްޗެއް ނަމަ އަނބިދަރިންގެ ނަމަށް ދާންދެން ޖަހާ