ރޭ މެންދަމު ހުޅުމާލޭގައި ޕާކުކޮށްފައި އޮތް ކާރެއްގައި ރޯވެ ބޮޑެތި ގެއްލުންތަކެއް ވެއްޖެއެވެ.
އެމްއެންޑީއެފް އިން ބުނީ މި ހާދިސާ ހިނގާފައިވަނީ ހުޅުމާލޭ ފޭސް 2ގެ ހިތިގަސްމަގުގައި ޕާކުކޮށްފައި އޮތް ކާރެއްގައި ކަމަށާއި، އެއާއެކު އެމްއެންޑީއެފްގެ މާލެ އޭރިއާ ކޮމާންޑް، ހުޅުމާލޭ ފަޔާ ސްޓޭޝަންގެ ފަޔަރާ ފައިޓަރުން މި އަލިފާން ގަނޑު ނިއްވާލާފައިވާ ކަމަށެވެ.
އެމްއެންޑީއެފް އިން ބުނީ މި ހާދިސާ ހިނގާފައިވާ ކަމުގެ މައުލޫމާތު ރޭ 3:36 ހާއިރު އެމްއެންޑީއެފް އަށް ލިބުން ކަމަށާއި އެއާއެކު އެމްއެންޑީއެފްގެ ފަޔާ ފައިޓަރުން ހަރަކާތްތެރިވާން ފަށާފައިވާ ކަމަށެވެ.
މި އަލިފާން ގަނޑު ނިއްވާލެވިފައިވަނީ 4:01 ހާއިރުކަމަށްވެސް އެމްއެންޑީއެފް އިން ވަނީ މައުލޫމާތު ދީފައެވެ.
މި ހާދިސާގައި އެއްވެސް މީހަކަށް ގެއްލުން ނުވާކަމަށް އެމްއެންޑީއެފް އިން މައުލޫމާތު ދިން ނަމަވެސް މި ހާދިސާގައި އެ ކާރަށް ވަނީ ބޮޑެތި ގެއްލުންތަކެއް ވެފައެވެ.
