ރާއްޖޭގައި ބިދޭސީ އަންހެނަކު ރޭޕްކޮށް މަރާލާފައިވާ ކަމަށް ބުނެ ދެކެވެމުންދާ ވާހަކަތައް ހޯމް މިނިސްޓަރު އަލީ އިހްސާން ދޮގުކުރައްވައިފިއެވެ.
މިނިސްޓަރު އިހްސާން މި ވާހަކަތައް ދޮގުކުރައްވާފައި ވަނީ އެކްސްގައި ރޭ ކުރެއްވި ޕޯސްޓެއްގައެވެ.
ރާއްޖޭގައި ބިދޭސީ އަންހެނަކު ރޭޕްކޮށް މަރާލާފައިވާ ކަމަށް ބުނެ ސޯޝަލް މީޑިއާގައި ދައުރުކުރަމުންދާ ވީޑިއޯއާ ގުޅިގެން މިނިސްޓަރު އިހްސާން ވިދާޅުވީ އެ ވީޑިއޯއަކީ މެއި 2021 ވަނަ އަހަރު ބަންގްލަދޭޝްގެ ނޫހެއްގައި ރިޕޯޓްކޮށްފައިވާ ހާދިސާއަކާ ގުޅޭ ވީޑިއޯއެއް ކަމަށެވެ.
އިންޑޮނޭޝިއާގެ އަންހެނެއް ގޭންްގް ރޭޕްކޮށް މަރާލާފައިވާ ކަމަށާއި އަންހެން މީހާގެ ހަށިގަނޑު އޮތީ މޯޗަރީގައި ކަމަށް ބުނެ ސޯޝަލްމީޑިއާގައި ރޭ ވާހަކަތަކެއް ދައުރުކޮށްފައި ވާއިރު، ފުލުހުން ވަނީ މިފަދަ ކަމެއް ހިނގާފައިނުވާ ކަމަށް ބުނެފައެވެ.
