ގެދޮވެރިޔާ ސްކީމްގެ ދަށުން ދޫކުރާ ފްލެޓާއި އަދި ބިންވެރިޔާ ސްކީމްގެ ދަށުން ދޫކުރާ ގޯތީގެ މައްސަލައިގައި އާންމުން އިހްތިޖާޖު ކޮށްފިއެވެ.
މިހާރު ހައުސިން މިނިސްޓްރީގެ މަސައްކަތް ކުރަމުންދާ ދަރުބާރުގެ ސަރަހައްދަށް އެއްވެ އިހްތިޖާޖު ކުރަމުން ދިޔަ ފަރާތްތަކުން ވަނީ ފްލެޓާއި ގޯތި ދިނުން ލަސްވަމުންދާތީ ކަންބޮޑުވުންތައް ފާޅުކޮށްފައެވެ.
އިހްތިޖާޖުގެ ބައިވެރިން ފާހަގަކުރި ގޮތުގައި މިހާރު ފެންނަ މަންޒަރުންތަކުން ގޯއްޗާއި ފްލެޓް ލިބުން ހަގީގަތަކަށް ވެދާނެ ކަމާމެދު ސުވާލު އުފެދެއެވެ. އަދި އެ ފަރާތްތަކުން އަންނަނީ "އެއް ސަރުކާރުން ރައްޔިތުންނަށް ދީފައިވާ އަސާސީ ހައްގަކަށް އަނެއް ސަރުކާރުން އަރައި ނުގަތުމަށް" ގޮވާލަމުންނެވެ.
ރައީސް ޑރ. މުހައްމަދު މުއިއްޒު ރައްޔިތުންނަށް ދޮގު ހެއްދެވި ކަމަށް ބުނެ އިހްތިޖާޖުގެ ބައިވެރިން ވަނީ ރައީސްގެ އިސްތިއުފާއަށް ވެސް ގޮވާލާފައެވެ. އަދި ހައުސިން މިނިސްޓަރު ޑރ. އަލީ ހައިދަރުގެ އިސްތިއުފާއަށް ވެސް އިހްތިޖާޖުގެ ބައިވެރިން ވަނީ ގޮވާލާފައެވެ. ގޯއްޗާއި ފްލެޓް ދިނުން ލަސްވަމުންދާތީ އާންމު ރައްޔިތުން ވަނީ މީގެކުރިން ވެސް އިހްތިޖާޖުކޮށްފައެވެ.
މީގެއިތުރުން މިހާރު ބަދަލުމުންދާ އެޗްޑީސީގެ މައްސަލަގައި ޝާމިލުވާ ފަރާތްތަކާމެދު ފިޔަވަޅު އެޅުމަށް ވެސް އިހްތިޖާޖުގެ ބައިވެރިން ވަނީ ގޮވާލާފައެވެ.
ބިންވެރިޔާ'' އަދި ''ގެދޮރުވެރިޔާ'' ސްކީމަށް އެދި ފޯމު ބަލައިގަތުމުގައާއި ގޯއްޗާއި، ފްލެޓް ލިބޭ ފަރާތްތައް ކަނޑައެޅުމުގައި އަދި ގޯއްޗާއި ފްލެޓް ދޫކުރުމުގައި، ކަނޑައެޅިފައިވާ އުސުލުތަކާއި ގަވާއިދުތަކާ ހިލާފަށް އަމަލުކޮށްފައިވުމުގެ ކަންބޮޑުވުންތައް ޕީޖީގެ ސަމާލުކަމަށް އައިސްފައިވާކަމަށާއި މިއީ އާންމު މަސްލަހަތު މަތީ މިންވަރަކަށް އެކުލެވޭ ކަމަކަށްވާތީ މިކަމާ ގުޅިގެން ފުރިހަމަ ޖިނާއީ ތަހުގީގެއް ހިންގުމަށް ޕްރޮސިކިއުޓާ ޖެނެރަލް ވަނީ މިދިޔަ ބުރާސްފަތި ދުވަހު އަމުރު ކުރައްވާފައެވެ.
ހަޅޭއްލަވަލަވަ ތިބެން ޖެހޭނީ މުއިޒް ދާނީ ކުރިއައްް އިންޝާﷲ