ދިވެހި މުޖުތަމައުގައި ހުރި މައްސަލަތައް ހައްލު ކުރުމަށްޓަކައި ވޭޕާއި ޑްރަގްގެ ވަބާއިން ސަލާމަތްވުމަށް ކުރަންޖެހޭ މަސައްކަތްތައް ކުރަންޖެހޭނެކަމަށް ރައީސް ޑރ.މުހައްމަދު މުއިއްޒު ވިދާޅުވެއްޖެއެވެ.
އދ މަހިބަދޫ ރައްޔިތުންނާ ބައްދަލު ކުރައްވައި ދެއްކެވި ވާހަކަފުޅުގައި ރައީސް ވިދާޅުވީ ވޭޕާއި ޑްރަގްގެ ވަބާއިން ސަލާމަތްވުމަކީ އެތައް އާއިލާއަކުން އެދިއެދި ތިބި ކަމެއްކަމަށެވެ. ވަށާޖެހޭ ތަރައްގީއަކީ ގައުމުގައި ހުރި މައްސަަލަތައް ހައްލު ކުރުމާއެކު ގެނެވޭ ތަރައްގީކަން ފާހަގަކުރައްވަމުން ރައީސް ވިދާޅުވީ ގައުމެއްގެ ހައިސިއްޔަތުން ހުންނަންޖެހޭ ރިވެތި އާދަތައް އިިޔާދަ ކުރަންޖެހޭކަމަށެވެ. އެ ގޮތުން ރާއްޖޭގައި ވޭޕްގެ ވިޔަފާރި ކުރި މީހުން ވިޔަފާރި ކުރީ ހުއްދަ ލިބިގެންކަމަށާއި އެހެންނަމަވެސް ގައުމުގެ ހައިސިއްޔަތުން ރަނގަޅު ކަމެއް ނޫން ކަމަށް ރައީސް ވިދާޅުވިއެވެ.
މިއަދުން ފެށިގެން ވޭޕް ވިއްކުމާއި، ބޭނުން ކުރުން މަނާކޮށްފައިވާއިރު މިއީ އެތައް އާއިލާއެއްގެ އުއްމީދުކަން ފާހަގަކުރައްވަމުން ރައީސް ވިދާޅުވީ ހަގީގީ ވަށާޖެހޭ ތަރައްގީއަކީ މިއީ ކަމަށެވެ. މީގެ އިތުރުން ރައީސް ވިދާޅުވީ މިފަދަ ނިންމުންތަކަކީ އެއްވެސް ބަޔަކާ ޒާތީވެ، ނުވަތަ އެއްވެސް ބަޔަކަށް ގެއްލުމެއް ކުރިމަތި ކުރުވުމަށް ނިންމަވާ ނިންމެވުންތަކެއް ނޫންކަމަށެވެ.
މިއަދުނ ފެށިގެން އިލެކްޓްރޯނިކް ސިނގިރޭޓް އަދި ވޭޕްކުރުމަށް ބޭނުންކުރާ އާލާތްތަކާއި އެ އެއްޗެއްސާއެކު ބޭނުންކުރުމަށް ތައްޔާރުކޮށްފައިވާ އުފެއްދުންތައް ދިވެހިރާއްޖޭގައި ވިއްކުމާއި ހިލޭބެހުމާއި ބޭނުންކުރުން މަނާކޮށްފައިވާއިރު، މި ތަކެތި ބޭނުންކުރާ އާލާތްތަކާއި އެ އެއްޗެއްސާއެކު ބޭނުންކުރުމަށް ތައްޔާރުކޮށްފައިވާ އުފެއްދުންތައް ދިވެހިރާއްޖޭގައި ވިއްކުމާއި ހިލޭބެހުމާއި ބޭނުންކުރުން މަނާވާނެއެވެ. އަދި މިކަމާ އެއްވެސް ފަރާތަކުން ހިލާފުވެއްޖެނަމަ، އެފަރާތެއް ހިލާފުވެއްޖެ ނަމަ ބޮޑު އަދަދުން ޖޫރިމަނާކުރުމަށް ދުންފަތް ކޮންޓްރޯލްކުރުމާބެހޭ ގާނޫނަށް ވަނީ ތަސްދީގުކޮށްފައެވެ.
