މޯލްޑިވްސް އޮލިމްޕިކް ކޮމިޓީ (އެމްއޯސީ) ގުޅިގެން ބޭންކް އޮފް މޯލްޑިވްސް މޯލްޑިވްސް (ބީއެމްއެލް) އިން ސްޕޯޓްސް ސްކޮލަޝިޕަށް ހުޅުވާލައިފިއެވެ.
މި ސްކޮލާޝިޕް ޕްރޮގްރާމުގެ އަމާޒަކީ އެތުލީޓުންގެ ހުނަރު ކުރިއަރުވައި ކުޅިވަރުގައި ފުރިހަމަ ކާމިޔާބީއެއް ހޯދުމުގައި އެހީތެރިވުން ކަމަށް ބީއެމްއެލްއިން ވަނީ ބުނެފައެވެ.
ބީއެމްއެލްއިން ބުނީ ސްކޮލަޝިޕަށް ކުޅުންތެރިން ހޮވުމުގެ ކަންތައް ބަލަހައްޓާނީ އެމްއޯސީއިން ކަމަށެވެ. އަދި އެމްއޯސީގެ މެންބަރު އެސޯސިއޭޝަންތަކަށް ނޮމިނޭޝަން ހުޅުވާލާނެ ކަމަށެވެ.
މި ސްކޮލަޝިޕްއަށް ހޮވޭ ކުޅުންތެރިންނަށް ހުރިހާ ހަރަދަކާއެކު ރާއްޖޭން ބޭރުގެ ހައި ޕާފޯމަންސް ޓްރެއިނިން ސެންޓަރުތަކުގައި ތަމްރީން ހޯދުމުގެ ފުރުސަތު ލިބިގެންދާނެކަމް ބީއެމްއެލްއިން ފާހަގަ ކުރެއެވެ.
ބީއެމްއެލްއިން މޯލްޑިވްސް އޮލިމްޕިކްސް ކޮމިޓީއާ ގުޅިގެން ސްޕޯޓްސް ސްކޮލަޝިޕްއަށް ފުރުސަތު ހުޅުވާލި މިއީ 2 ވަނަ އަހަރެވެ. މި ޕްރޮގްރާމްގެ ފުރަތަމަ ބެޗްގައި، ހަތަރު ކުޅިވަރަކުން ހަތް ކުޅުންތެރިން ކާމިޔާބުކަމާއެކު ތަމްރީނު ފުރިހަމަކޮށްފައިވެއެވެ.
ބީއެމްއެލްއިން ބުނީ މިއީ ރާއްޖޭގައި އެންމެ މޮޅު ހުނަރުވެރި ކުޅުންތެރިން ތަމްރީނުކުރުމުގައި ކުރިއަށް އެޅުނު ވަރަށް މުހިންމު ފިޔަވަޅެއް ކަމަށެވެ.
