ނިމިދިޔަ ނޮވެމްބަރު މަހުގެ ނިޔަލަށް ކުރި ވިއްސާރާގައި 10 ރަށެއްގެ 110 ގެއަކަށް ގެއްލުން ވެފައިވާ ކަމަށް ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ)އިން ބުނެފިއެވެ.
އެންޑީއެމްއޭއިން ފާހަގަކޮށްފައިވާ ގޮތުގައިމި ހާދިސާތަކާ ގުޅިގެން ހިފާގެންގުޅޭ ތަކެއްޗަށާއި އިމާރާތަކަށް އެކިވަރުގެ ގެއްލުން ވަނީ ލިބިފައެވެ. އަދި މި ގެއްލުންތަކުގެ އަގު 1.1 މިލިއަން ރުފިޔާއަށް އަރައެވެ.
ގެއްލުން ލިބިގެން ރަށްރަށުން ހުށަހަޅައިވާ އަދަދު:
- ދ. ބަނޑިދޫ: 2
- ދ. ހުޅުދެލި: 1
- ގދ. މަޑަވެލި: 3
- ހދ. ނެއްލައިދޫ: 1
- ނ. މާފަރު: 1
- ރ. ރަސްމާދޫ: 1
- ސ. ފޭދޫ: 2
- ޅ. ކުރެންދޫ: 97
- ސ. މަރަދޫފޭދޫ: 1
ވިއްސާރާގައި އެންމެ ބޮޑު ގެއްލުމެއް ލިބިފައި ވަނީ ޅ. ކުރެންދޫއަށް ކަން އެންޑީއެމްއޭއިން ވަނީ ފާހަގަކޮށްފައެވެ.
އެންޑީއެމްއޭއިން ބުނީ ގެތަކަށް ލިބުނު ގެއްލުންތައް ވަޒަންކުރެވި، "ކާރިސާތަކުގައި އިންސާނީ އެހީތެރިކަން ފޯރުކޮށްދިނުމާއި ކާރިސާތަކުން ލިބޭ ގެއްލުންތަކަށް އެހީދިނުމާއި ބެހޭ ގަވާއިދު"ގެ ދަށުން އެހީތެރިކަން ފޯރުކޮށްދިނުމަށް މިހާރު ހުށަހަޅާފައިވާ ކަމަށެވެ.
