ސިނަމާލެ 01 ޕާކިން ޒޯނުގައި ޕާކުކޮށްފައި އޮތް ކާރެއްގައި ރޯކޮށްލި މައްސަލައިގައި ދެ މީހަކު ހައްޔަރުކޮށްފިއެވެ.
ފުލުހުން ބުނީ ބުރުޒުމަގު، ސިނަމާލެ 01 ޕާކިން ޒޯނުގައި ޕާކުކޮށްފައި އޮތް ކާރެއްގައި މި މަހުގެ 25 ވަނަ ދުވަހުގެ 18:25 ހާއިރު އަލިފާން ރޯކޮށްލި މައްސަލައެއް ހުށަހަޅާފައިވާކަމަށެވެ.
މި މައްސަލައިގެ ތުހުމަތުގައި ދެ މީހަކު ހައްޔަރުކޮށްފައިވާއިރު، ފުލުހުން ވަނީ އެ ދެމީހުންގެ ވަނަވަރު އާންމުކޮށްފައެވެ. މި މައްސަލައިގައި ހައްޔަރުކޮށްފައިވަނީ މާލެ، މ.އަރާރަތްކުރި ހާލިދު މަހްމޫދު (35އ) އަދި އދ.މާމިލީ ބްލޫ ވިންޑް ހަސަން ނަސީމް (31އ) އެވެ.
ކޯޓު އަމުރެއްގެ ދަށުން މި ދެމީހުން ހައްޔަރުކޮށްފައިވާއިރު ފުލުހުން ބުނީ މި މައްސަލަ އިތުރަށް ތަހުގީގުކުރަމުން އަންނަކަމަށެވެ.
