މާލޭގެ އިމާރާތެއްގެ ގުދަނެއްގައި ރޯވި އަލިފާނުގެ ހާދިސާއެއް ހިނގައިފިއެވެ.
މިއަދު ހަވީރުގެ ވަގުތެއްގައި ރޯވެފައިވަނީ މ. ނިޔަނދުރުމާގެ ދިހަވަނަ ފަންގިފިލާގައި ހުރި ގުދަނެއްގައެވެ.
އެމްއެންޑީއެފް ފަޔާ އިން ބުނީ ނިޔަނދުރުމާގޭގައި އަލިފާން ރޯވިކަމުގެ ރިޕޯޓު މިއަދު 17:55 ހާއިރު ލިބުމާއެކު އެމްއެންޑީއެފް ފަޔާ އެންޑް ރެސްކިޔު ސާވިސްގެ ފަޔާ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާކަމަށެވެ.
މިގޮތުން، ފަޔާ ފައިޓަރުން ކުރި މަސައްކަތުން އެ ގޭގެ ގުދަނުގައި ރޯވި އަލިފާން ނިއްވާލެވުނީ މިރޭ 19:45 ހާއިރުކަމަށް އެމްއެންޑީއެފް އިން ވަނީ ބުނެފައެވެ.
މި ހާދިސާގައި މިހާތަނަށް އަދި އެއްވެސް މީހަކަށް އަނިޔާވިކަމަކަށް މައުލޫމާތެއް ލިބިފައެއް ނުވާކަމަށްވެސް އެ އިދާރާއިން ވަނީ ބުނެފައެވެ.
