ކާރެއްގެ ތެރޭގައި މީހަކު ރަހީނުކޮށް ފައިސާ ދިނުމަށް ބިރުދެއްކި މައްސަލައިގައި ހައްޔަރުކުރި 5 މީހުން ދޫކޮށްލައިފިއެވެ.
ފުލުހުން ބުނީ މި މައްސަލައިގައި ހައްޔަރު ކުރި 5 މީހުން އިތުރަށް ބަންދުގައި ބޭތިއްބުމަށް ނުފެންނާތީ މިއަދު އެ 5 މީހުން ދޫކޮށްލާފައިވާ ކަމަށާއި މި މައްސަލަ އިތުރަށް ތަހުގީގުކުރަމުން ދާ ކަމަށެވެ.
މި މައްސަލައާއި ގުޅިގެން ހައްޔަރުކޮށްފައިވާ 5 ފަރާތަކީ:
- ތޮލާލް މޫސާ - ދަފްތަރު ނަންބަރު RS9022
- ހުސާމް އިބްރާހިމް - ހދ. ކުމުންދޫ، ރަތްބަގީޗާގެ
- ހުސައިން ހައިކަލް ނިޔާޒް - ގ. ކަޅިގާރިމާގެ، ކ. މާލެ
- އާދަމް ޝަރީފް - ހދ. ކުމުންދޫ، ރަތްބަގީޗާގެ
- އަހްމަދު ރިޝްފާން - ހުޅުމާލެ ފްލެޓް 71-01-04
މި މީހުންގެ ދޫކޮށްލާފައިވަނީ ބަންދުގައި 7 ދުވަހު ބޭތިއްބުމަށްފަހު އެވެ.
ދާދިފަހުން ވަނީ ހުޅުމާލެ ހިޔާގެ 9 ވަނަ ފަންގިފިލާގައިވެސް މީހަކު ރަހީނުކޮށް ބޯ ބާލާ އިނގިލިތައް ބުރި ކުރަން އުޅުނު މައްސަލައެއް ފެންމަތިވެފައެވެ. މި މައްސަލައިގައި ޖުމްލަ 12 މީހަކު ވަނީ ހައްޔަރުކޮށްފައެވެ. އެ އެޕާޓްމަންޓަކީ މަސްތުވާތަކެތި ބޭނުންކޮށް އޭގެ ވިޔަފާރި ކުރަމުން އަންނަ ތަނެއް ކަމަށް ފުލުހުން ވަނީ ބުނެފައެވެ.
ފުލުހުން ބުނީ އެ އެޕާޓްމަންޓްގައި ތިބި މީހުން ތިބީ މަސްތުގެ ހާލަތުގައި ކަމަށް ބެލެވޭތީ ޔޫރިން ސާމްޕަލް ދިނުމަށް އެދުނު ނަމަވެސް އެކަކު ފިޔަވާ އެންމެން ސާމްޕަލް ދިނުމަށް ވަނީ އިންކާރުކޮށްފައި ކަމަށެވެ.
