ރައީސުލްޖުމްހޫރިއްޔާ ޑރ.މުހައްމަދު މުއިއްޒު ގެ ސަރުކާރަށް އެއް އަހަރު ފުރުން ފާހަގަކުރުމަށް، ހާއްސަ ޖަލްސާއެއް ބާއްވަން ނިންމައިފިއެވެ.
މި ޖަލްސާ މިރޭ 7:45 ގައި ސޯޝަލް ސެންޓަރުގައި ކުރިއަށް ގެންދިއުމަށް ހަމަޖެހިފައި ވާއިރު، ހަފްތާ 52 ގެ ކާމިޔާބީތަކާ ގުޅިގެން އެކި ވުޒާރާތަކުން ހާސިލުކޮށްފައިވާ ކަންކަމުގެ އުސްއަލިތައް ވުޒާރާތަކުން ވަނީ އާންމުކޮށްފައެވެ.
މިރޭގެ ޖަލްސާ ބާއްވަނީ ހުރިހާ ސިޔާސީ ފަރާތްތަކަށް ދައުވަތު ދީގެން ނަމަވެސް ޖަލްސާއަކީ ސަރުކާރަށް އަހަރު ފުރޭ ޖަލްސާ ކަމުން ސިވިލް ސާވަންޓުން ބޭނުންނަމަ ބައިވެރިވެވޭ ގޮތަށް ވަނީ ހަމަޖައްސާފައެވެ.
